[عصير مشوي]

السلام عليكم ورحمة الله وبركاته

قبل العيد بيوم وديت اهلي لم العثيم
المهم فاضي ولا عندي شي قلت ابنزل معهم
منه اوسع صدري ومنه امشي مع اهلي
الصراحه مبطن مارحت لم العثيم يعني مدري وش صار عليه
بس يوم نزلت ودخلنا من عند البوابه الا اشوف هالبنات اللي تقل مدري وينهوبه>>عجز يعبر

يعني قسم بالله يفتنن
العباة كتافيه والعيون طالعه والكم مفسرته تقل تبي تهاوس>>يعني شوفو اني بيضاء
ولا لاجتك تطقق بالبلاك بيري ومعلقتنه بعد >>تقل مابه ابراج الا بالسوق
انا مدري وشوله تعلقه وش تحس بوه اولاه يعني شوفو ان معي بلاك بيري
ولا شوفو اني شاريته ولا وشلووووون

قسم بالله يقهرن ويفتتن حتى يفتنن موهب معقوله
يعني المناظر ذي كنا مانشاهده الا بالرياض وجده بس الظاهر انه جت عندنا
انا مدري وراه ماتستر هل هو ضعف من الاهل او يقاله فخر ذا او مدري وشو
طبعا انا لاعمم على كل اللي بالعثيم بالعكس بوه بعضهم مشاء الله تبارك الله ستر وحشمه
لاحد يقول انت تناظر اصلن غصب ابناظر لو مناظر تسان صدمت
يعني مثلا وانت تمشي تبي تشوف اللي قدامك(طريقك) وخطمت وحده غصب تناظر

ولا لامنه قعدت بزاويه (جلسه غريبه وفاتنه) وبدد تطقق بالبلاك بيري)
يعني اقول اللي معه بلاك بيري وده تخلي الناس يدرون تشق من كرتون الموز وتعلقه بظهره وتكتب العبارة ذي(ترى معي بلاك بيري باركولي)

اللي اباصل لوه انا اننا نملك حل

اذا كنت ولد فاحرص على اهلك وخلهم يتسترون احرص احرص وتابع خواتك اذا راحن للسوق

اما اذا كنتي بنت فانصحك بالستر وانصحي خواتك وزميلاتك وكل اللي تعرفينهن
ترا هبلتو بنا يالعزوبيه
اما المعرسين ماهمهم

شكرا لكم
واتمنى ماتجي بنت وتنط بي وتقول(انت عممت) تراي قلت بعض البنات


(وتراي ماكتبت الموضوع الا غيرة على خواتي المسليمات)