[برفسور ملتمس]

السلام عليكم ورحمة الله وبركاته ..، جميعاً ..
قبل تقريباً أربع أو خمس سنوات ،كان الشخص لما يطلع للحي يشوف ( حياة ) يعني نشوف شباب تلعب كورة ، نشوف صغار بالسياكل ، نشوف بزوايا الحارة شباب تدردش ، وشباب الحلقة بالمسجد ولا طالعين يسولفون ، ونشوف أطفال عند الباب ، نشوف حتى بنات يمشون ويتزاورون بالحارة ، حتى كبار السن يطلعون ، يعني بالظهر تشوف ، بالعصر كذلك ، وبكل الأوقات ، ..
لكن الحين أختفوا ويمكن تغيروا .. مثلاً : تحصل واحد عمره 13 سنة ويدخن ومعاه سيارة << والي بعمره قبل معه سيكل ، وتلاقيه الحين يسولف عن السفريات ، والعلاقات ، والسهرات ، ولما تسأله وين رايح يقول للإستراحة أو الشقة<< بينما قبل كانت الاستراحات والشقق ( سمعتها سيئة ) ومرتادينها قليل وماتشوفه أبد بالحارة وأوقات تتفاجئ بأشخاص ماتدري أنهم بحارتك .،
. وبصراحة صرت أشوف أبو 10 إلى 14 الجيل الآخير يكبر بسرعة يعني تشوفه باسبوع يلعب بلاي ستيشن بحماس لاومراحل ويبحث عن الجديد ، والأسبوع الي بعده معطيك بطاقة فرح زواجه " يعني ماتقدر تميز مراهقته من نضوجه
فايش الي صار فجأة ، فقدناهم ، وماعدنا نشوف سياكل بالحارة ، ولا شباب الحارة بزاوية جالسين ، ولاكبارهم ولاصغارهم ، ومين السبب .،.. ومين الي أبتدى بالغياب حنا ولا هم ،. وهل هالعادات صارت قديمة .،
وليش الصغير صارت سوالفه كبار وماعاد يعيش دوره بالعمر .. ؟؟!!

///

كل الشكر والتقدير ع المرور ، ونتمنى نشوف ردودكم ..،