[المسلهم]

اليوم جاني ضغط وسكر من الاسعاف....ابقولكم قصتي .. اليوم بعد المغرب ونا طالع من حي غنامه بعد بيت الشوايه ونا ماشي بالطريق الا وشوف ناس مجتمعين بالطريق قلت بس هذا حادث ونزلت وياليتي مانزلت ... الا وشوف بزر عمره حوالي عشر سنوات متعقد بالارض والناس مسوين دائره عليه وهم يقولو لاحول الله لاحول ولا قوه الا بالله وجيك وانقز بهم قلت يالله نشيله يالله قالو لا لا الاسعاف جاي بالطريق والبزر ينزف دم مع اثمه وخشمه ووجه متفقع ومشوه وضهره ملتوي ويديه مدري كيف الله يشفيه لكن يتنفس والناس منذهله مايدرون وش يسوون .. وندق على الاسعاف وواحد يوصف لهم الطريق...مضيعين... قلت انا بس شكله يبي يموت وهذا يوصف له الحين نص ساعه وهو يوصف ..الا ...ويجون بزارين من الحاره يركضون وجي ونطحهم ورجعهم عشان مايشوفونه ويتعبون بالليل قلت ابطرهم احسن لهم ...والحمد لله ارجعوا ..وبعده جاء واحد يمشي الف بسيارته ووقف ونزل يصارخ يوقول اخوي اخوي والناس تمسكه يبي يشيله ويردونه.... وواحد مطوع واقف عند راس الطفل وحاط اصبعه برقبته يشوف هو وقف التنفس او لا والله يهوا فاضي مدري وش دوره بالسالفه وبعده هدا اخوه وجاك الاسعاف معاكس الخط وينزلون ببرود ويكشفون عليه يحسبونه ميت يوم شافوه يتنفس نقزوا يمشون الف وشالوه بسرعه .....والي صادمه واقف وشكله كبير شوي معه كامري ومسرع الله يهديه ويشلونه بالدوريه ورا الله يكون بعونه ....ياناس انتبهو لبزارينكم انتبهوااا
الا
الي عنده خبر عن الطفل المدهوس بطريق صناعيه الرواف بتجاه الرمال بعد بيت الشوايه بكيلو يعطينا خبر
ودمتم