 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
03-03-2005, 04:12 AM
|
#1 |
|
عـضـو
تاريخ التسجيل: Jan 2004
المشاركات: 679
|
(( الشيااااااااب والنصب الزااااايد ))
السلام عليكم ورحمة الله وبركاته ...ز
سؤال يطرح نفسه ليه أغلب الشياااااااب نصابين ... تقولون ليه شايف شي .. أقول شااااااايف أشيااااااء ... اليوم كنت مع ثلااااااااث شياب قاعدين على فرشة ومشرااااااق وشاهي وفلة حجااااااج المهم كانوا يتكلمون ذا الشواكيش في بنك البلاااااااد (( مهوب عاقلين البزنس مين )) قال واحد منهم أذكررر يومي في الشرااااايع بمكة كان معنااااا الراجحي (( صاحب البنك )) يقول أنه كااااان طفراااااان وكان مامعه ألا قرشين وكااااانت شغلته يصلح سيور الساعااااااااات .. وبعد جهد جهيد ومثابرررة وصبر جمع ثروته ... سألت أخوناااا في الله شاكوش بيك قلت له طيب سيور الساااااعات دخلها زين يوم الراجحي جنى ذا التجااارة والخير .. قل مثلاً لو أن الراجحي على قولة شايبنااااا يصلح أربع سيور ساعات في اليوم على أنها ربما أقل لإن ذاك الزماااااان كانت المادة ضعيفة ونادراً ماتجد من يلبس ساااااعه فقلت لو أنه يصلح أربع سيور وسعر السير ريااااااال أحسب كم بيطلع في الشهرررر 120 رياااااااال يعني كم في السنه 1440 رياااااااال .. خلال عشرين سنه 1440 *20= 28800 رياااااااااال .. قلت ياشيااااااااب (( على وزن ياشبااااااااب )) معليش القصه مو راضيه تدخل مخي حسبتهااااا فلقيت لو أنه ماصرف ولا رياااااااال من اللي جمعهن كان اللي معه أقل من ثلاثين ألف .. فقال واحد منهم وش عرررفك أنت من جيل التسدح والتبطح ماغير نووووم في النهاااااار وسهر بالليل الفلوووووس منول مهيب مثل فلوووووس اليوم .. فلووووس منول فيها بركة (( قلت يعني تتكاثر وتتوالد )) قااااااال منول القرش يجيب لك خبز ولبن وبر و و و ( توقعت أنه بيقول يجيب مزرعه من كثر ماعدد لي ) قلت له طيب وبعدين يعني بتقنعني أن ثروته حصلهااااا من تصليح ساعاااااات أنا أعرف أن سوق التجاااااره يكون أحياناً في حالة كساااد وأحياناً يكون نشط وتصليح الساعااااات لاتظن أنه ينفع لكل زمن ولكل موسم .. فرد علي وقااااااال أنتم ماتدرون وماتعرفون من علووووم الرجااااااال الا مسماها (( مدرس وش جااااااب طاري علوم الرجاااااال في السالفه بس يبدوا أني أحرجته )) عاااااد بدوا يعطوني نصااااايح أنت وش موديك للخااااارج جامعااااات ديرتك ماكفنك ومابزوك يلعبون عليك ذا الأمريكااااااان ويلحسون عقيلك ويخربونك علينااااا (( علشاني كافشهم وكافش نصبهم )) .... عااااااد أنتقلت الموجه وصاروا يتكلموووون عن المطر وعن الخير اللي جاااااء ذا الأيااااام فقال شيبوب من هؤلاء الشياااااب أن نسيبه غارقاً بأحد الشعبااااااان ثم أنتقل قرق وهرج المذكورن على المطر وسنة الغرقه (( أتحدى واحد يعرفهاااااا )) فقال وااااحد أذكر أن ذاك اليوم أن سقف البيت صار يسفسف ويخر مويه وتقول الوالده يلزمنا ياوليدي (( ناظرة الشايب تخيلت شكل أمه وهي تقول ياوليدي وقلت وعععععع )) نرجع للسالفه قالت له أمه يلزمنا ياولدي أننا نطلع ورحنا بخلوة المسجد يقول ماأمدناااا نصك الباااااااب الا ويطيح السقف وتطيح جدرااااان البيت (( حلوة يانور الشريف )) يقول أذكر أن معي ذاك اليوم قارورة ميرندااااا <<<<< قوية ميرندااااا قلت له يمكن ديو ولا سلاااااش وأنت ماتدري (( عاد الشاااااايب اذا ماجازت له الكلمه سفهك )) ويكمل يقول أنه بعد جاهم برد كبر المرااااااااكي (( هذي قويه حتى وأنا أكتب الموضوع أقول ياكبرهااااا عند الله )) برد كبر المراااااكي قال وش دراااااك أنها تسذبه قال من كبرهااااااا ويكمل سالفته المذكور أعلاه ... عاااااد بغيت أغير الموضووووع قلت تصدقون أن الله عز وجل ماتردد في أمر الا تردده في قبض روح المؤمن .. عاااااد يوم تكلمت عن الموت ماتسمع الا القصص عن الموت والاحتضااااار(( ماتلاحظووون أن الشياااااب كل حدث لازم يكونون يحفظون عنه قصة لو تتكلم عن أسقااااااط قنبلة هيروشيما في الحرب العالميه قالوا حاضرينهاااااا من زود التسذب والهلس )) لاتفوتك الهلس ... قص أبو ناصر قصه يقول أن فيه واحد بالخبيب كان راعي خير وراعي عبادة يقول أنه وهو يحتضر كان شيبان الحارة عنده يقولون أن روحه طالعه زي الفشقه لها صوت زي الفشقه (( يعني ماتعسرت طلعة الرووووووح لايدري عبدالمحسن الأحمد ثم يتحسف أنه ماقال ذا القصة بشريط قصص لااانساها )) عااااد بغيت أمشي ماقدرت أتحمل بغيت أصرخ في وجيهم وأقووووووول والله أنكم نصابين عاااااد يوم قمت كانت رجلي نايمه وتمايلت في قومتي قال أبو علي الله يخلف على الجيل التاااااالي عيال النيدو يوم كنااااا كبركم نشيل النخلة لاقلعناها على كتوفنااااا فناظرته وأنااااا أبصيح من القهر والتسذب والقلهي اللي نصفه ييزي (( مشتقه من يازى أو يازاااااك )) وقال بعد أبو علي والله أن الواحد منول من يومه أبو تسع سنيين وهو متعلم علووووم الرجاااااال يرحب ويملهي ويصب القهوة ويعزم الضيفاااااان ويعرف حقوق الجاااااار وأخلااااااااقه مع النااااااااس تكون زينه مهوب هالحين الشباااااااب همه مغازل وسفريااااااااات .. عاد أنطلق لساااااني وماقدرت أتحمل قلت نسيناااااا الحمير وش تسسون فيهن نسيناااااا حمارة أبو مسقي (( حمارة مشهور بالمذنب )) وش كانوا النااااااس يسوون فيهااااا أقل شي الوااااااحد من ذا الجيل لابغى شر وناوي شر جابه بنظافه مهوووووب بحماره الله يقرفكم والشرهه مهوب عليكم الشرهه على اللي يجلس معكم ويسمع هرجكم .. سبق وقطعت على نفسي عهداً على أن لاأجلس مع شايب لكني أخلف عهدي لكن من خلال هذا الموضوع فإني سأحاول جاهداً أن أكون حازماً بقراري بإن ماأجلس مع أي شااااااااايب .. ملاحظة : يقولون الجلسة مع الشياااااااااب فلة وفيها فائدة أقل شي أنه يعلمك ويفهمك لإنه مجرررررب الحياااااة وفاهمها .. والله لو ترجعون لماضي بعضهم اللي مسووووي ابو المعري وهو يتكلم شفته أردى بكثير من شبابناااااااا .. أجل كانوا الثلاثه منهم يتاقطون بزقاااااارة وحده (( منول مافيه تتن مهوب مثل هالحين البكتااااات ممليه الرفووووف بالبقاله )) أنا ودي أدري وشلون تجي له نفس يشفط عقب خشة ذا المدود خويه بس .. الله يكفينااااا شر الدخاااااااان .. القصص كثيرة عنهم وأحب أن تشاركوني هذه القضية اللتي باتت تشكل لدي أزمة وسأحاول جاهداً حلهاااااااا وإن لزم الأمل إبااااادة الشيااااااااب فماعندنااااا مانع نبيدهم ... والله يحوطكم ويرعااااااااكم رعد ...
__________________
آخر من قام بالتعديل r3d; بتاريخ 03-03-2005 الساعة 04:18 AM. |
|
| الإشارات المرجعية |
|
|
النمط الأحادي