 |
|
|
|
|
02-12-2010, 02:50 AM
|
#1 |
|
عـضـو
تاريخ التسجيل: Sep 2010
البلد: بريده
المشاركات: 20
|
قالت لي قريبتي ( احداثها في الطرفيه )
احد قريبتي من عرفتها بالصدق والامانه تروي لي قصه حقيقيه وطريفه حصلت لأحد قريباتها .
تقول والعهده على الراويه في يوم جميل ورائع وسماءء ملبده بالغيوم والجو كايف (لزمنا) على ابوي نطلع للطرفيه طفشنا من البيت . قال ابوي : والله ملينا من كثر مانستاجر مخيمات لكن مادمكم ( ملزمين ) مابه فايده مشينا وركبنا مع الوالد الله يحفظه ومعنا خواتي وعيالنه تعرفون يتجمعونا عندنا الخميس واستنجدنا باأحد الأخوان يشيل معنا . المهم وصلنا للطرفيه ودرنا على المخيمات ندور مخيم فاضي ولكن مافيه فايده كلها مستأجره . المهم بعد البحث والتقصي والتدوير حصلنا ذاك الشاب اللي واقف عند خيمه كبيره عنده ارواق صغير ودورة مياه اعزكم الله . راح له الوالد قاله الخيمه للأجار قال لا والله ابغى ابيعها مليت منها قال الوالد طيب انا اشتريها منك خلينا اشوفها دخل فيها الوالد واذا خيمه ممتازه ومكمله وفيه اغراض ودفايه وغاز اعجبت الوالد قاله بكم قال الشاب بــ 500 ريال اعطاه الوالد الفلوس ودخلنا الخيمه وانبسطنا وكل هرجتنا عن الخيمة وحنا نقول للوالد شف ماطلعك من البيت الا الرزق وحنا مبسوطين اشد البسط والوناسة . تغدينا وصلينا العصر واذا راعي جيب معه عايلته يوقف عند الخيمه وينزل ويروح له الوالد قال الرجال لو سمحت اش دخلك خيمتي بدون استأذان قال ابوي هذا خيمتي وتوني اشتريتها من راعيها قال الرجال : انا راعيها وطاقها للأهل وفيها جو كذا وكذا . انصدمنا وشلنا اغراضنا واكلنا مقلب حلو وراحت الـ500ريال علينا . والوالد معصب ويقول هذا الرزق اللي تقولون وحنا ميتين من الضحك . |
|
|
| الإشارات المرجعية |
|
|
النمط الأحادي