[من خان لاجلك خانك]

السلام عليكم

{ يكون التدوين لاشعار لا تحتمل الغزل والكلمات الفاحشه }

..............

اقفل ملف المسأله واضرب على الماضي صليب
واخير من بعض الدعاوي يافتى نسيانها

لمحت لك وانت افتهم دام الاشاره ياللبيب
تبغى الطويله عانها تبغى القصيره عانها

لا طال شرح المساله يدخل بها الشك المريب
والناس في تال الزمان يقودها شيطانها

واليا بغيت علاجها عندي لها وصفه طبيب
على ضمان الذمه الي ماتخون ايمانها

لا صار وبال المطر ماينبت القاع الخصيب
وش تستفيد فياضها لو زاد ماء غدرانها !!

وان صار صياح الضحى ماله مع العالم مجيب
ليش الكلافه كلها خل العرب في شانها

كم كلمه من قالها يكسر بها العضم الصليب
وكم كلمه عند العوارف راجح ميزانها

وكم كلمـه تجعل حريبك من سبايبها قريب
وكم كلمه مات بسببها واحدا ماصانها

خل الشقاوه للشقي مانت على العالم رقيب
رآح الزمان الي تبي والناس قل ايمانها

هذا زمانك يالعجايب مابقى شي عجيب
تغيرت فيك الطبآيع كلها بالوانها ..

اتمنى التقيد بنوع الشعر
(ابعدونا عن الغزل )
.. دمتم