 |
|
|
|
|
06-01-2011, 02:37 PM
|
#1 |
|
مشرف أخبار بريدة
تاريخ التسجيل: Feb 2010
البلد: بريــدة || ~
المشاركات: 3,242
|
|| سبآحيييييين || > قصص بزارين !
يآلله حيّهم ..
 تسيف الحال وش عندكم متحرجمين وكل واحد يقول يالمشرفين يالفاشلين يالي مادري وشو لا صرت وزير وعندك وزاره . بس مابه موظفين . ولا احد عنده نيه يتوظف وش تسوي ؟ ترى المشرفين تسذا . عندهم قسم بس مابه احد .. يصنعون اودام مثلا !!  المهم ما عندكم دواء للبزراين يخليهم كبارين على طول ؟   ـآلله يشغل عدوهم يآهم شغله .. أشوى اني مب مدرسة روضه < هم الصدز عليهم حركات فله بس على رأي المسل [ البزر لا عطيته وجه .. أشغلك . ولا دقيته صآح ] فـ وشو .. انا ابذكر بعض من حركات المبزره وأبغفل عن شينهن لو انه كثير =-=-=-=-=- البزران والأكل =-=-=-=-=-=- من المعروف إن البزر اول مايطلع من بطن أمه أول شي يعرفه . يرضع .. فهو اول شي يتعرف عليه عن طريق إفمه فصار هو أداة التعرف عنده الحين لامنك لاحظت بزر عمره 8 اشهر امه فاكتن عنه المهاد تلقااه يلعب بإيده .. ولا قعد شوي دخله بإفمه يبي يشوف وش هذي عاد واحد من العيال عندهم بنت كله ملح لا منك شفته بس ودك تآكله توه بآديتن تحبي عـآد .. مرتن من المرات وهي تحبي .. وكعادة البزران لا لقى شي حطه بإفمه يشوف وشو لقوه تحبرش بشي وناويتن تذوقه يوم جو لمه يركضون .. يوم ناظروا ولاا بيده صارور وانتم بكرامه  فكه الله ولا تسسان علوم ,‘,‘ لا كبر البزر شوي وده يآكل أي شي يآكلونه أهله بحكم انه وده يقولهم إني مثلكم كبير وتسذآ ..! عادواحد من العيال هو وأهله يموتون بشي إسمه زبده يخيل لهم ان الشي بدون زبده مثل الفصفص الي بدون ملح < زين التشبيه المهم لهم بنت عمره 3 سنين .. تشوف حب أهله للزبده ! خصوصا إنهم دايم يدهنون الزبده بالخبز وياكلونه تسذا ! المهم مرتن من المرات يدورون بنتهم مالقوه يمين يسار أخر شي يلقونه بالسطح معه أصبع زبده وتآكله !!  مهيب مثلهم تدهن شوي . ذي طايحتن بالمليان - ** | [ البزران والتسذب ! ] | ** ميزة بالبزران إن من ولادتهم مايعرفون تسذب غش كره هواش .. أبد ! إلا اذا المجتمع حولهم علمهم كما قال النبي صلى الله عليه وسلم [ كل مولود يولد على الفطره فا أبواه يهودانه او ينصرانه أو يمجسانه ] بمعنى الحديث إن البزر يطلع من بطن أمه على نهجٍ سليم فالمجتمع حوله يأثر به ..  عاد اذكر قصه واحد من العيال عنده ـإخت .. وتسذوووبه . و عليه تسذب مب معقول عآد يقول مرتن من المرات تهاوش هي مع ولد خاله .. على كاكاوه ! عاد هو عيآ يقسم له ! ومير تروح تركض لم أمه ! تصيح تقول اخذ كاكاوتي <عجزت اكتبه يقول تسذب وحنا نناظر وواحد أعرفه عليه أخو .. يصرفك تصريف مب معقول يقول مرتن من المرات يقول انا قاعدن بالصاله بالزاويه واناغره اقول له يآحولي انا بالزاويه وانت لا  يقول ومير تشتش معه .. قال لامنك رحت انا اقعد به يقول وانا بس اناغرره واحوم تسبده وهو مسكت والبزر شاف كورة بالرف بالصاله قاله أحمد جب الكورة يقول انا ناسي إني مناغره .. واخذت كلامه على انه حسنةٍ نيته يقول يوم قمت ومير يجي مليون ويقعد بمكاني الصدز إني تعبت من الكتابه والصرآحه إني جوعآن ,, عن إذنكم أبتغدى لا تحرمونن تعليقكم ومواقفكم وإعذرونا على القصور ~ يآلله برب 
__________________
قال أحدُ الصالحين : .. { نسْالُ الله تعالى أنْ يعطينآ .. فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..! لإن العطآء إختيآرُنا .. والمنعُ إختيارُ اللّه .. ~ وإختيار اللهِ . خيرٌ من إختيآرنا .. ! } .. آخر من قام بالتعديل أبو غــلا; بتاريخ 06-01-2011 الساعة 02:45 PM. |
|
|
| الإشارات المرجعية |
|
|
النمط الأحادي