[التاجر]

-=( برقع وجوال )=-

--------------------------------------------------------------------------------

هـذا بنات اليـوم بـرقـع وجـوال = ولا عـباية كـتف هـم يلبسـوها
والراس فوق الراس طرحه مع الشال = حـتى الخصال الطيبة أفـقدوها
يوم البنات اللي غدٍ سـبت اهـمال = ويوم السبايب اهـلها هـملوها
الأم نـامـت والأبـو صـار تـمـثال = والبنت راحـت وين ما يسألوها
بالليل تسهـر بـين هـاتف وجـوال = وإلا عـلى دش الفـلس سـهـروها
اقفاي هي ما بين الأسواق واقـبال = بـلا غـرض راحـت ولا انشـدوهـا
اللبس تـلبس كـل ما يطـرب البال = وفلوس لو تنقص عـليها عطـوها
من شافـها باللبس يا ساتر الحال = يـسـبـها ويـسب مـن خـلفـوها
كومة لحـم وعـيون والرمـش قـتال = ولا مشـت كل الشباب أتـبعـوها
هـم مادرو لوإن البراقـع بتنشال = ونشـوف وش تحت البراقع خفوها
يرتاح من صابه من أسبابها هـبال = ويشـوف والله من عيونه هووها
وين البنات اللي بهم تضرب أمثال = ليت السلوم الطيبه ما تركوها
البنت زين البـنت لا زانـت الحال = ماهـو بـلبس ولا عـلوم خـذوها
وين المراجل ما بقى غـيرة إرجال = ليت الشوارب واللحـى حـلقوها
اللي عـلى عاره رضـى الذل ينقال = ليت الكرامه ليتهم يرفـعـوها
ماعاد ينـفع قـول فـيها ولا قـال = لا الأم والله ولا الأبو أنفعوها
اصـبح ضـياع البنت بسـباب جـوال = البنت ضاعـت والأهـل ضـيعـوها