[كَـارِيـزْمَـا ©]

.

السلآم عليكم
يالله حي بنات الكوفي كلـ ن باسمه
,,
الخالات " أمهات الأزواج " ..سالفتهن سالفه ..!
أول شيء أحب أقول فيه خالات وهن الأكثر إن شاء الله تحط على الجرح ويبرأ
طعيمةٍ حبيبةٍ ذربةٍ ترفع الراس الله يرزقن بخالتن مثل هالنوعية
..
وبعضهن وهن الأقل إن شاء الله من هانوعية .. " الله لا يبلانا بمثلهن "..!
طرحي للموضوع بسبب مشكلة بنت خالتي ياقليبي هي
أول شيء متغربه عن أهله ..أهلها هنا وهي بديرهـ ثانية ..
بنت خالتي وزوجه وخالته وخاله و حماهـ أخو زوجه " بيت واحد"..
بنت خالتي معلمة , وعليهم داخل طالع .. خوات خالته حمواته جيرانهم ووالخ ..
وبما إن بنت خالتي غير متفرغة من الصباح وحتى العصر تقريبآ ..
إلا أنها تتفاجأ بالضيوف > دبلة التسبد < ..ضيوف منول ..من العصر إلى الليل ..!
تقول أبلش فيهم هم وعشاهم .. ما يمديني أرتاح إذا جيت من المدرسة صاكن راسي إلا خالتي تستقبلني ترى فلانة تبي تعشى عندنا اليوم وترى علانة تبي تقهوى ....الخ
~ إيه بنت خالتي لقت حل ..صارت تسوي بعض الأشياء وتفرزهن أسرع له ..
مثل > الحشوات .. الفطاير .. المطازيز ..سمبوسا .....الخ .
تقول تسهلت علي شوي بديت أطلع من الفريز وع طول بالميكرويف ..
~~
بعد أيام صارت تفقد اللي تحط بالفريز , تملآهـ وإذا فتحته لقت الفريز خاوٍ على عرشه
...يوهـ وين تعبي راح ..!
تدرون وينه ..؟
خالته وخاله يعطونه بناتهم إذا جن و بعض الزوار والجيران ..!!- معقولة
ياقلبي هي ..تخيلوا تسوي المطازيز بعلب كثار ينقص ظهره من التكوير والطزازة وآخرته .........!!
ولآ السمبوسا عاد اللي مو متعب ..!!
حسبي الله على العدو .. بعد ليتهم يقول من فلانة ..!!
تقول تقطع تسبدي من القهر إذا جت تطلع ام فلان أو غيره اصبري دوتس ..وتروح الخالة تعطيه علبة مطازيز أو علبة سمبوسا وعيون المسيكينة طايرهـ , أو توزعه على الجيران ..!
~ المشكلة إن الحياء مقطعه بالحيل , تستحي حتى تسأل عنهن ..!!
وش رآيكم عاد ما يقهر هالشيء ..قلت حطي فريز بغرفتك وعبيه بعيدآ عن أنظار حمولتك الناهبة
....
وبما أن الموضوع عن أهل الزوج والحمولة , تصدقون بعد إن وحدهـ إذا جت تروح أو تجي تشاور أبو زوجه , لأنه يعيي عليه إذا صاروا محتاجينه ..!!
وين الزوج أولاهـ تنكة ..!
...
وإلا الحمولة الطفية اللي مرت ولدهم الأولى دايم ساحبتن شليله وما غير تفزع لهالحمولة , تنظيف , طبخ , إستقبال ضيوف ......وو
وأخيرآ إذا تزوج ولدهم الصغير نسفوا شغل مرت الولد الأولى وطفوا بالجديدة .. وهي ما نفعتهم ولا بتبن ..!
,,
إيه الحكي يطول .. لكن أنا مضيقة صدري بنت خالتي وسالفته , الله لا يحلل العدو ..!
إذا عندكن حل سلمي إسدحنه ..
~~
وأعيد أقول بعض الخالات الله يهديهن مالهن خاتمة ولا ينفع بهم الحشيمة ..!
والا الغالب إن شاء الله محشومين , الله يرزقكن خالتن تبرد تسبودكن وتشوف شغلكن ..!
~~
تذكرت يوم تقول لنا بنت خالتي سالفته , قالت وحدهـ : خلاص أنا شَرطي عند الزواج زوج يتيم خخ , عاد مب زين أبد إذا صار الزوج ماله أم أو ابو ..


*)(
أعتذر طولت , لباكن




..