[ تقرير ] سفرة خفافية لدولة قطــر لمحدثكم إبراهيم اليوسف ( تم اضافة صور جديدة )

**إبراهيم اليوسف** · 02-02-2011, 04:45 PM

بسم الله الرحمن الرحيم

السلام عليكم ورحمة الله وبركاته

اهلا بالجميـــع
نبدا في الموضوع قررت انا وخويي نغير جو في الشرقية
لان جوها هاليومين انواع الفلات المهم صلينا ظهر الثلاثاء في بريدة
توكلنا على الله للشرقية كان الممشى من 120 إلى 140 وانواع السواليف
وصلنا الشرقية كان الجو فله امطار وسعة صدر قلنا لاحقين على الشقق قعدنا
ندور ونتمشى من الدمام للخبر وقابلت واحد من الشباب غالي علي هناك
وجلسنا في كفي شوب وانواع السواليف المهم مالكم بالطويله وحنا نسولف
قالي خويي اللي جاي معي وش رايك نروح للبحرين انا قلت على راحتك
قالي خويي اللي قابلته لا تقربون البحرين يدورون الزله على السعودي
الصراحة انا وخويي ما قد رحنا للبحرين ابد وخويي ما قد طلع برى السعودية
المهم قال خويي اللي في الشرقية كانكم تبون تطلعون روحوا لقطر فهي تجي
بعد السعودية في الاحتشام وما فيه صرفيه تذكر قال خوي قطر قطر قدام
المهم تفرقنا واخذنا الوصف حق طريق قطر وسكنا جنب الطريق طبعا الطريق هو
طريق خادم الحرمين الشريفين الملك عبدالله بن عبدالعزيز <<< كذا مكتوب في اللوحة
المهم يوم جت الساعة 8 من يوم الإربعاء حركنا من الخبر طبعا تسلك طريق
الملك عبدالله لا تلف لا يمين ولا يسار تجيك لوحة مكتوب قطر الامارات يمين
العيون الرياض يسار رح مع العيون لانك لو رحت
مع قطر الامارات تبي تدخل الاحساء وانواع الزحمه اذا سلكت طريق العيون يبي يجيك تحويله
يعني لا تحط رجلك خذ معك زمزمية شاهي وانواع السواليف بعد اذا كان الجو ينقط مطر
المهم وصلنا المنفذ وقفنا وصلينا الظهر والعصر وعبينا من ساسكو لانهم يقولون ان البنزين شوي
غالي خلصنا اوراقنا يمكن في نص ساعة عشان زحمة كاس اسيا طبعا بعد المنفذ فيه كاميرات
ساهر عددهن 8 كاميرات على قول خويي 4 شغالات و 4 ما يشتغلن عاد ما تدري ايهن اللي يشتغلن
يعني تحط في بالك انهن كلهن يشتغلن .
السرعة في الطريق من المنفذ إلى قطر 120 كيلوا في الساعة طبعا من المنفذ إلى الدوحة يمكن حول 130 كيلو او اقل .
وصلنا الدوحة مسيان حنا كنا مروقين في الخط امطار وفله حجاج يعني ما ورانا شيء .
اول ما وصلنا رحنا لسوق واقف لانه كبير ونبي نسغل الوقت يكون في سوق واقف لانكم تعرفون بالليل
ما فيه مفتوح شيء الا سوق واقف وبعض المولات المهم الصراحة دخلنا السوق واول شيء بدينا
فيه قسم الخيول واستقبلونا الصراحة احسن استقبال يعني يكرمونك كرم تستحي ما تدري وش تقول
بعد ما سولفنا معهم وخذنا علومهم وخذوا علومنا استأذنا منهم ورحنا نتمشى فيه الصراحة سوق متعوب عليه

طبعا الصور راح تكون على طريقة اجزاء بإذن الله

بسم الله

02-02-2011, 04:45 PM	#1
إبراهيم اليوسف رئيس اللجنة الإعلامية مـشـرف أخبار بريدة تاريخ التسجيل: Feb 2007 البلد: بريدة ستي المشاركات: 13,181	[ تقرير ] سفرة خفافية لدولة قطــر لمحدثكم إبراهيم اليوسف ( تم اضافة صور جديدة ) بسم الله الرحمن الرحيم السلام عليكم ورحمة الله وبركاته اهلا بالجميـــع نبدا في الموضوع قررت انا وخويي نغير جو في الشرقية لان جوها هاليومين انواع الفلات المهم صلينا ظهر الثلاثاء في بريدة توكلنا على الله للشرقية كان الممشى من 120 إلى 140 وانواع السواليف وصلنا الشرقية كان الجو فله امطار وسعة صدر قلنا لاحقين على الشقق قعدنا ندور ونتمشى من الدمام للخبر وقابلت واحد من الشباب غالي علي هناك وجلسنا في كفي شوب وانواع السواليف المهم مالكم بالطويله وحنا نسولف قالي خويي اللي جاي معي وش رايك نروح للبحرين انا قلت على راحتك قالي خويي اللي قابلته لا تقربون البحرين يدورون الزله على السعودي الصراحة انا وخويي ما قد رحنا للبحرين ابد وخويي ما قد طلع برى السعودية المهم قال خويي اللي في الشرقية كانكم تبون تطلعون روحوا لقطر فهي تجي بعد السعودية في الاحتشام وما فيه صرفيه تذكر قال خوي قطر قطر قدام المهم تفرقنا واخذنا الوصف حق طريق قطر وسكنا جنب الطريق طبعا الطريق هو طريق خادم الحرمين الشريفين الملك عبدالله بن عبدالعزيز <<< كذا مكتوب في اللوحة المهم يوم جت الساعة 8 من يوم الإربعاء حركنا من الخبر طبعا تسلك طريق الملك عبدالله لا تلف لا يمين ولا يسار تجيك لوحة مكتوب قطر الامارات يمين العيون الرياض يسار رح مع العيون لانك لو رحت مع قطر الامارات تبي تدخل الاحساء وانواع الزحمه اذا سلكت طريق العيون يبي يجيك تحويله يعني لا تحط رجلك خذ معك زمزمية شاهي وانواع السواليف بعد اذا كان الجو ينقط مطر المهم وصلنا المنفذ وقفنا وصلينا الظهر والعصر وعبينا من ساسكو لانهم يقولون ان البنزين شوي غالي خلصنا اوراقنا يمكن في نص ساعة عشان زحمة كاس اسيا طبعا بعد المنفذ فيه كاميرات ساهر عددهن 8 كاميرات على قول خويي 4 شغالات و 4 ما يشتغلن عاد ما تدري ايهن اللي يشتغلن يعني تحط في بالك انهن كلهن يشتغلن . السرعة في الطريق من المنفذ إلى قطر 120 كيلوا في الساعة طبعا من المنفذ إلى الدوحة يمكن حول 130 كيلو او اقل . وصلنا الدوحة مسيان حنا كنا مروقين في الخط امطار وفله حجاج يعني ما ورانا شيء . اول ما وصلنا رحنا لسوق واقف لانه كبير ونبي نسغل الوقت يكون في سوق واقف لانكم تعرفون بالليل ما فيه مفتوح شيء الا سوق واقف وبعض المولات المهم الصراحة دخلنا السوق واول شيء بدينا فيه قسم الخيول واستقبلونا الصراحة احسن استقبال يعني يكرمونك كرم تستحي ما تدري وش تقول بعد ما سولفنا معهم وخذنا علومهم وخذوا علومنا استأذنا منهم ورحنا نتمشى فيه الصراحة سوق متعوب عليه طبعا الصور راح تكون على طريقة اجزاء بإذن الله بسم الله __________________ . . عدد زوار مواضيعي من تاريخ 13 / 9 / 1429 هـ My flickr . .