[فؤادعنتر]

[size="7"][/size]

لا يخفى على الجميع المستوى الحلزوني الذي بلغْتٌه من القدرة على تحليل الأمور وسرعة البديهة ودقة المعلومة وإصابة الرأي السليم ما لكم بالطوااااااله .
كعادة الزملاء يستشيرونني بما يلم بهم من مصائب ومشاكل ، وآخر من استشارني أحد زملائي ((تذكرون قصته مع زوجته صاحبة الوجه الطفو لي والغمازات وعلاقته بأهل زوجته أنهم ناس ما يقدرونه )) وحليت مشكلته ، طرح على مشكلة أخوه شاب توه متزوج وصارت له مشكلة وقال : شاور فؤاد ، وشو الحل للمشكلة يقول أن أخوه اشغلهم يبغي يتزوج وخطب وراح استعار سيارة صديقة جيب (أف جي أسود رقم مميز) ويوم قرب الزواج رجع وستعارها ،وكان مستأجرين له شقة وأثثوها ، ويوم خلص أعطى أهل الزوجة نسخة من المفتاح عشان ترتيب الأغراض والملابس الخاصة بالعروس تفاجاء بعدة أمور ، يقول بعد صف الملابس جاء يفتش ويتفرج على الملابس ويدقق هي طويلة ولا قصيرة لا تكون لابسه كعب عالي ، ولبس ملابسها وصار جسمها مناسب يقول: يوم لبس التنورة صار المقاس بناتي قصير مره ، وجلس يضحك وجاء لامه وخواته وقال : الظاهر غشهم راعي المحل معطيهم تنانير بناتي ، قالت أخته: لايكون هذا مديلها واخزياه ، رجع للبيت وجمعهن وحطهن بشنطة فوق الدولاب ، يوم الزواج اشغله أخوها ثقيل الدم بس يصوره في الزواج والطريق لين وصل للعروس، لا وبعد صورهم مع بعض وهو ما يحب يتصور معها بس مستحي وده يعطيه كف ، المهم يقول : جلسنا بالصالة بالبيت وبداء ينكت أقاله قوى ، شوي وجاب أخوه العشاء ( مشاوي وعصاير) وعطاه الفاتورة قاله : رح بعدين وعيا يروح لين نق فلوس العشاء لأنه قاله : راح أفك استبنت سيارتك ، يقول : البنت بدت تأكل خفيف بطاطس وعصير اقاله مستحييه ، يقول : يوم دخلت الغرفة معها طلبت مني أساعدها على فصخ الملابس قالت : ممكن تسحب لي السحاب ؟؟؟ يقول انصدمت من الجرأة المهم يقول : مشيناها ... الصباح جو الأهل يباركون ، وكانت تسلم بطرف أصابعها، ولا ترد قلنا مستحيية ويوم جت أمه وخواتها تسمع ضحكته وأنت بالحوش ومشيناها ، اليوم اللي بعدة جاء أخوها راعي الكمرة والدم الثقيل ، معه كيسه قال : هذه أغراض أختي طالبتهن ، قلت له وش صار على الصور، قال : ما نزلتهن بنزلهن وعطيك إياهن ،: قلت هات الكمرة أنا أنزلهن وأخذتها منه ، فتحت الكيس اللي جايب وشفت فيه وش أشوف جهاز الكمبيوتر حقها وكنكته والشاحن والشنطة والسماعات ، قلت لها: وشو ذا قالت: جهازي طلبته من اخوي بدخل النت بشوف تبريكات البنات لي بالمنتدى ، يقول : أخذته وحطيته بالسيارة مع كمرت أخوها ، يقول : قلت وين تبين نسافر قالت : تركيا ولا ماليزيا اللي تبي قلبي ( قلبي أمدنا علينا )، ما تدري أني ما طلعت جواز يقول قلت : ما عندي جواز ولا فيه أمل اطلع لك جواز ، يقول ازعلت ،قالت : مير ما نبي شيء منك لا سفر ولا غيره ، لأنه كانت تلمح تبي جهاز جوال (أيفون) أيفون وأنا معي جهاز النورس تحلم ، يقول : قالت أنا أحسبك متفتح وهقتني راكب (ألاف جي) يقول : بدت تتكلم ، أهلك ما جابولي هدايا أمك ما مدت شيء وخواتك وحدة جايبه خاتم والثانية تعليقه قلت : يكفي من أمي عطك اكبر هدية قالت : ما شفنا شيء وشيء قلت :أنا جلست تضحك وزعلت ووديتها أهلها ، ويطلب حل المشكلة قلت : أولا : نتخلص التنانير القصار بالحرق و من الكمرة والكمبيوتر بالكسر أو الحرق
ثانياً :رجع السيارة لصاحبها .
ثالثاً : الحل الطلاق بنت ما احترمت أمك وخواتك ولا تستحي اجل تقول أول ليلة (أفتح السحاب )وثالث يوم (ياقلبي ) وبنت حارة لسان اجل تقول خلاص مانبي منك شيء يعني اسكت ، ومسرفة، تقول : تركيا أو ماليزيا وطماعة أتخطط على جوال جديد وراعية (نت ) وتحب المظاهر تحسب السيارة لك أجل نزول من أول الدرجة أحسن من آخرها (الدنيا تبي والآخرة تبي )