 |
|
|
|
|
02-03-2011, 05:04 PM
|
#1 |
|
عـضـو
تاريخ التسجيل: Sep 2009
البلد: بريدة
المشاركات: 223
|
منع احضار القهوه في كلية العلوم والأداب
السلام عليكم صراحه في موضوع قهرنا بـ كلية العلوم والأداب وآبشوف رايكم مع إني أدري للأسف إنه ماراح يغير شي من الواقع  اليوم الصبح بكلية العلوم والآداب بعد مادخلت وتعديت جماركهم بسلام  اسمع وحده من موظفات الأمن تصارخ وتقول ترى من يوووم السبت ممنوع القهوه الحاضر يعلم الغايب ههإلا القهوه عاد !!! قالوا ممنوع جوالات الكاميرا قلنا ميخالف هذا من حقهم ولمصلحتنا أولا وآخيرا قالوا ممنوع الجوالات منزوعة الكاميرا قلنا يالله الشكوى لله نتعبر بأي جوآل قالوا ممنوع التنوره skinny قلنا عادي هذا موب مكان كششخه ويمكن بعض البنات بالغن بالتضويق قالوا ممنوع طلبات المطاعم .. قلنا ماضرنا لنا سنين ندرس وماحلمنا نطلب من مطعم وش اللي تغير طبعا هذي آشياء ممنوعه غالبا بأي مكان أما يجون يقولون ممنوع القهوه والشاهي !! كم لنا وحنا نجيب قهاوي وراهم توهم يحتسون .. البلا شكلهم مانعينهن علشان يمشون قهوتهم اللي بالكافيتريا الزمزيه ب20 ريال !! يعني معقوله نبي نشتري كل يوم ؟ حتى المشروبات الغازية ليتهن مثل الخلق ببسي وسفن لاااا جايبين نوع استغفر الله بس مدري من وين جايبينه !! ويبيعونه بنفس سعر الببسي بريالين الله يعيننا عليهم ويطلعنا منهم بكامل قوانا العقليه 
__________________
 رب اكتب لي فرحه تغير مجرى حياتي : ) |
|
| الإشارات المرجعية |
|
|
النمط الأحادي