[انسان من بني آدم]

بسم الله الرحمن الرحيم




نتطور مافي مشكله ولا مانع وليس حرام


بس نتطور بالشكل هذا لا والف لا

عسا الاتيكيت والتطور والتقنيه منب قايل تسان التطور تسذا


ان الواحد يمشي مع زوجته او اخته وهي متبرجه وعادي عنده الوضع لا ومن زود الافتخار يبتسم

اللهم لاشماته يارب
فعلا هذا الحاصل باسواقنا ان بعض الرجال (طبعا يقاله رجال) يمشي مع زوجته او اخته وهي مطلعه عيونه ولابسه الجنز والعباة ضيقه اما تجي مخصره ولا عباة كتف المهم انه متبرجه ومطلعتن زينته وتفتن المارين

مدري هو عادي عنده كذا


او انه يخاف منه

ولا لو يقوله شي تسان سطرته


ولا ماوده يجرح مشاعره

ولا يقاله يواكب العصر والتطور


ولا ماعنده غيرة



هو حدا الست ذولي بس ايهن الله اعلم وشكل الاخيرة هي الاقرب


قسم اتعجب اشد التعجب معقوله الحرمه بدت تسطير على الرجل الى الدرجه

ولا يجيك منزل اهله للنخيل ولا العثيم وخواته متبرجات ولابسات عباة كتف وجنز والعيون مكحله ولا يرد ولا كلمه >> لو تصير سواق احسن

قسم بالله بعض الرجال مابينه فرق هو والسواق الا ان السواق جاي بفيزة وهو جاي ببلاش



معقوله بعض الناس صار ماعنده غيرة الى الدرجه


او عنده غير بس ماله كلمة ؟؟؟



سؤالي للرجال: هل تعتبر اللي يمشي مع اهله بالسوق او جايبهم للسوق وهم متبرجين رجل؟؟


سؤالي للنساء: هل تعتبرين الرجل اللي يمشي مع اهله او جايبهم للسوق وهم متبرجين رجل؟؟