[حفيد اعقيل]

اقتباس المشاركة الأساسية كتبها يوسف السراي مصيبة المصايب اذا طلعت القصيدة لـ شاعرنا حفيد عقيل .

.
.

لا والله إنه مهيب لي , وليتنا نرتقي لمثل هؤلاء الشـعراء
ماأنا إلا متطفل على بلاط الشـعر الفسـيح ..

أشـكر كل الأحبة على إضافاتهم الرائعة وياليتنا نرتقي ببعض مانطرحه
هنا وإن كان على سـبيل المزاح فبناتنا هي أختي وأختك ..

وتفضلوا هذه القصيدة لي وقد كانت رداً على من أساء لبنات القصيم في
برنامج سـتار أكاديمي قبل سنوات ..

[poem="type=1 bkcolor=#ccffff color=#000000 font="bold x-large 'traditional arabic', arial, helvetica, sans-serif""]تبت يدا اللي يسي لأهل القصيم = أو يعترض بنت القصيم بدارها
بنــــاتنا مصـــيونة بأمر الحـــكيم = وســر الســتر تمســكه بخمارها
يومه بلانا راعي العقل الســقيم = فـنان هـمه رقصــة مع طــارها
برنامج ســموه بـ(ستار أكاديـــم) = يعرض ســخافاته بكل أقطـارها
قام يتهزأ في قناة أهل الهشـــــيم = أهل الأغاني لـقبوا بإســتارهـا
لاوالله إلا فحمة ضوّه عديــــــم = وإلا النجوم إنشد تجيك أخبارها
ينبيك من هو فاهم ماهو غشيم = إن القصــيم أعــلام براســه نارها
حنا هل السجدات بالليل العتيم = ذكــــر وتسبيح وهــــل أعــــبارها
وحنا حماة الدين والبيت الكريم = تاريخنا يشهد بخوض إغمارهـا
همومنا مابين زمزم والحطيم = وأيات تتلى نتعــظ بأعـــــــبارها
بين البخاري وبين تفسير العظيم = والســنة الغراء نبين آثـــــــارها
مشـهورة بالعلم من ( آل السليم ) = مشــايخ تعرف بكل أقطــارهــا
وإلا الكرم معروف فينا من قديم = ذبـــاحة اســمان وشـــــبة نــارها
لاذعذع الغربي وهبت بالنسيم = إدلالنا تــركى بجال أوجارهــــا
مجالس مفتوحة دايــم مـديــــم = إرطا وغضا تزهى بزين كمارها
وتمر يقــلط فاخر طلع هضيم = من ديـــرة تفخــر بزين أثمارها
ســوالف تتلى معه رأي حكيم = والعـــود الأزرق فايـــحٍ في دارها
ماهزنا (أبعاد) ولا (في الجو غيم) = ولاتمــايلنا عـــــلى مزمـــارها
كل القصــيم اليوم له خيرٍ عـمــيم = علم وتعليم وتكــرم جـارهـــــا
وصــلاة ربي عـد ماوبل وديـــم على النبي الهاشمي مختارها[/poem]

حفيد اعقيل ..

.
.
.




.
.