 |
|
|
|
|
10-06-2005, 03:45 PM
|
#1 |
|
عـضـو
تاريخ التسجيل: May 2005
البلد: ارجاء الربع الخالي
المشاركات: 37
|
هام :المستشار - المنخرش اريد واحد يسلفني نعال ام دس او اصبع
السلام عليكم ورحمة الله وبركاته
انا اليوم رحت مطمئن البال الى صلاه الجمعه تعطرت وتكشخت ولبست سوال طويل خخخخ <<<<< بالعاده يلبس سروال قصير يبرد المكينه هههه المهم وانا طالع وريحه الثوب تفوووح ريحه العطر الحلو <<<<< ابلشكم بالعطر خخ وطاق الزهاب (الكفرات) السود الجديده نوع تركي احم احم ب 80ريال شغلت الموتر وبالعاده اصلي بالجامع الي خلف البيت هالمره قلت خلني اجرب الجامع الي قدام البيت بالحاره الثانيه المهم الجو حاااااااااااااااااااار لاني في مدينه بالربع الخالي (شروره) من كثر الحر تشوف طبلون السياره نار لو تحط بيضه احترقت بسرعه خخخخخخ المهم الجامع هذا يعتبر الرئيسي (بالمدينه) خخخخ قصدي بالقريه ولما وصلت لقيت الجامع زحمه ووقفت سيارتي يمكن 250متر المهم نزلت وانا عند باب المسجد لقيت الناس يفصخون زهباتهم ويحطونها بالدروج وبعضهم يدخلها معه بكيس قلت بنفسي وين حنا بالحرم خخخخخخ الى هذا الدرجه يدخلونها قلت بنفسي هذولا ناس قعيطيه خلك منهم لبقت كفراتي بجنب عامود ودخلت في امان الله انتهت الصلاه وطلعت وادور يمين يسار وين الزهاب واتلفت على البشر وينهن قعدت بجنب العامود الي صار فيه الجريمه والناس وهي طالعه تشوفني المشكله ان الناس تعرفني ويسلمون وش عندك قلت انتظر واحد بالمسجد منهو قلت فلان الفلاني المهم انواع الاحراجات والناس طالعه وتقول وش عندك ورى ماتروح لبيتكم الدنيا حر خخخخخخخ المشكله اناضر الناس تلبس نعالها وتطلع مستريحين البال واقول بنفسي يا حضهم ما ضاعت نعالهم (انسرقت يعني ) بعدها ما بقى الا قليل بالمسجد وادور يمين يسار ما فيه شي انا انتظر على شان اخذ نعال الي اخذ نعالي واناظر النعال الي برى واعدهن لقيتهن 5 زهابات والي بالمسجد يمكن 7 رجال يعني فيه برضوه نقص خخخخخخخخ انا ما همني االنعال <<<<<<بدى يكذب ههههه انا من يوصلني للسياره وهي 250 متر عن المسجد قلت اخذ نعال من الي هنا واجيب سيارتي وارجعهن قلت بنفسي عيب هالحركات بعدها فكرت وجتني افكار منها اني اربط شماغي برجليني وامشي ؟؟ خخخخخخ دلخ بعدها اخذت عزيمه وقلت يا ولد خربها حافي حافي الشكوى الى الله وامشي تاره واهرول تاره وامشي تاره واهرول تاره <<<<<<< تكفى ياللغه خخخ المهم ارتفعت حرارة الرديتر برجليني يالله النجاه من النار وباقي نصف المسافه واناظر قدامي والقى بلاط عنده ظل بسيط وانطلق اريح رجولي لهجه بدويه ههههههه احمدو الله الله لايبلاكم مثل ما بلاني بعدها وانا منطق بالظلال قلت خلني اطلع مفتاح السياره قبل ما اوصل على شان افتح بسرعه واركب ههههههه ذكي خخخخخ نقزت نقزه فرس ههههههه ودخلت المفتاح ورجولي تلاطع من الحراره الا من الحراق خخخخخخخخخ انا بعدها تذكرت نار جهنم الله الله يحرمكم شوفتها قلت بنفسي ايه تذوق احسن هذي تطهير قلوب ههههههه وتذكرت المستشار والمنخرش تحت الظلال خخخخخخخخ رجعت للبيت ولطعني بلاط الحوش ههههه والحين انا اكتب لكم معاناتي وانا حاط رجليني بطشت ماء انا فعلا يالمستشار اريد حل لهذه الظاهره (السرقه) وكذلك هل اشتري نعال دس او اصبع مع ان الي انسرقت نعال اصبع سوداء اللون اريد التعليق واعطائي النصائح اليوم عشان بروح اشتري نعال خخخخخخخخخ الى حلقات اخرى رائعه هههههه خنيفس بن مجعص |
|
|
| الإشارات المرجعية |
|
|
النمط الأحادي