[~ هـيزم بريـدة ~]

^^ شاكر لجميع من رد . .

اختي شوووو .!!! صرآآحه اثريتين بمعلومات مثل النص وضوابطه ومثل الباترون وغيره من اللي ذكرتي وما شاء الله عليتس ما خليتي شي الا وقلتيه < يا ناااس هذا اللي نبيه بالمنتدى اعضااء يردون ردود تمملا العين والصدر . الله يرفع قدرتس اختي شو والله انتس ماشاء الله عليتس داائماً ردودتس مميزة وما تقتصر على كلمتين (تسليك) لصاحب الموضوع . (لآ) . تتكلمين بكل صغيرة وكبيرة ويعلم الله انتس افدتي ولا ضريتي أبداً وانا لو تردين انتي على موضوعي يكفيني < ولا يهون الاعضااء (لا تفله عااد ههـ شكلي بتصفق اليووم) , لكن صرآحه الله يرحم والديتس دائم ردي على مواضيعي وابشروا بعزكم باللي يحط مواضيع ويسهم في نشااط المنتدى (ولا بكم قصور جميعاً) . شو.؟
اعتقد اني ما اقدر اقول اكثر من تسذا لكن . . عدآاتس العيب . . والحمدلله ان المنتدى فيه عضوة مثلتس وبإذن الله راح تكونين بصمة ثقيلة ولها وزنها في المنتدى وأخص قسم التصاميم الفنية . اوووووه فحمت . . ككككـ

وجوااب السؤال . : انا يا اختي شو احب التصميم وشاركت بمسابقة تصميم الحين بمنتدى رياضي . اتحفظ على اسمه لأسباب إدارية هناك . وانا ماني مقتصر فقط على تصاميم معبرة في معاني وكلمات قليلة فقط < انا بالتصاميم الرياضية أبدع اكثر من التصاميم الطبيعية .! فهمتي علي . وانا اطمح للاحتراف في التصميم وعندي كذا مشكلة ما اعرفه لهن ومنهن . ( الدمج - التكرار بهدف التصميم مثلاً صورة شخص ابي اخليه خلفية لنفسه لكن تكون مخفية شوي . < ما اضبظهن . ) وفيه كذا مشكلة اذا لقيت وقت اجلس على اللاب واطقطق عليه لكني ما شهدت دروس دمج وغيره .) وشكراً . < طبعاً يبقى السبب الرئيسي لبعض التصاميم هنا هو شوقي لبريدة .!! الله يجيب الاجااازة بس . ولكن هذا ما يمنعن عن الاحتراف بمجال تصميم الصور . واطمح للزيادة .