[ابو عـمر]

السلآم علييييكم ..

كيف حالكم ياكشكوليين

طرا على بالي نناقش هالموضوع على قمه بياخته .. لاكن لازم ننشط الكشكول :/
حي الله الشباب والشيّاب

يمكن الشيّاب ابخص بهالموضوع ذذ , الصرآحة امس وانا اتقلب بالسرير جا على طاري جدتي الله يحفظة :: عاد حنا اغلبنا يالقصمان نسمي جدتنا او امهاتنا يوه < صح الدلع

المهم ياعيال الحين وش معنى يوه ووراه اخترنا هاللقب للامهات والجدات

الصراحة امر محير عجزت افسر كلمه يوه فصلت كل حرف تفصيل ماطلع معي شي

عاد هالايام تعرفت على حجازي توه جاي بريدة وبعرفه على بريدة وامشيه وتسذاتا والتسليك شغال والله يايقول كلمات اول مرة تمر علي احسبه تبع الجاليات جاي هو ذذ ونزلت من السيارة وخليت جوالي عنده ودقت جدتي وانا مسجل اسمه "يوه" ويوم رجعت قالي جاك اتصال قال شكله نشبه قلت ليش قال مسميه يووه هو فاهمن يووه يعني زي اففف وتسذا < كيف الشرح ..

الزبدة قلت جدتي ذي وتسذا شلون نشبه .. قال ليش اسمه يوه .. قلت ايه حنا القصمان نسميه يوه قال والله انكم قليلين ادب سموه ماما كبيرا .. اقاله يبي يتذيهن

والله الموفق لنا ولكل يوهاتنا

والسلام خير ختام ..