|
°︿° [ no - مو - شو - لسّا - .....الــ ! ــخ ] °︿°
*
السلام عليكم ورحمته وطيّب بركاته
الحروف أو الكلمات اللي قريتوهن بالعنوان عمرها تقريبًا 7 أو 9 سنوات بالكثير ساكنة بالقصيم ( بريدة  )
..! قبل ماكنّا نعرفها إلا بمناطق ودول خارج المملكة
no / حرف أو كلمة غربية
مو / حرف أو كلمة خليجية بإستثناء السعودية وخاصة القصيم ( بريدة )
شو / حرف أو كلمة شامية
لسّا / حرف أو كلمة مصرية
وغيرها الكثيييييييير لكن هذا اللي يحضرني
طبعًا هذي الحروف أو الكلمات أصبحت مُتداولة بين أهل القصيم بشكل كبير وخاصة ( بريدة )
سؤالين موجّهان لمن أصبحت هذه الحروف أو الكلمات بلسانهـ / ـا دومًا :
- ليش تعايبتوا وخجلتوا من كلمات أهل القصيم ( بريدة ) القديمة والتي لازالت ؟؟!!
- هل عمركم سمعتوا شخص غربي يقول ( إيه وَ بوه ) أو سمعتوا مصري يقول ( لهالحين )
أو سمعتوا شامي يقول ( وشو ) أو سمعتوا خليجي غير سعودي يقول ( موب وَ مهب ) ؟؟!!
هالموضوع مضايقني من زمان وربي ماكتبته إلا من باب الغيرة على أهل ديرتي
ماأبيهم مثل الببغاء يرددون جمل مب لهم ونصير مطنازه لخلق الله  !
المعذرة على ركاكة الإسلوب أكتب وأنا مكتئبه شوي ومزاجي معكّر لكن هالموضوع مضايقني مثل ماقلت لكم وأصريت إني أكتبه اليوم
__________________
لا يتوقف الناس عن اللعب لأنهم كبروا ، بل يكبرون لأنهم توقفوا عن اللعب . أوليفر
|
03-05-2011, 02:31 AM
النمط الأحادي