[حربي عابر دربي]

عندي فكرهـ جديدة وهي

كل عضوا من الأعضاء أو المشرفين يتوقع شكل واحد من الأعضاء ويبدى يوصفه زى ما توقع وتخيل مع ذكر ما يلي في التوقعات إن أمكن ويسمح بالمزيد من الايضافات قدر المستطاع

1 / اسمه الحقيقي

2 / اسم العائلة

3 / شكله وطبعه ( أدبيبه أو امعصقل / طويل / قصير )

4 / وين يعمل وش طبيعة عمله

5 / نوع سيارته ومديله ( يتم التغاضي عن + آو – 2 موديل )

6 / نصيحة توجها له ( صحيا أو اجتماعيا )

إنا الأول

من اببدابه الأول بحكم إني صاحب الموضوع

إيه خلون أطقطق على أخونا ( أليس الله بكاف عبدهـ )

الاسم / يا عبدالله يا عبدالعزيز

اسم العائلة / أكيد من السعوي

شكله / تسني أشوفه أمطوع يا حليله ولحيته مهب كثة تناتيف والدقن أكثر من العوارض خفيف دم ومهب قصير بالحيل يعني دون الوسط اشوي وجلف اعضام ( ما شاء الله عليه ) وتقل انه دبيبه اشوي ودايم يلبس انعال سود ما يغيرهن ( شتاء صيف هيهن ) الجزمات ( الكنادر مايلبسهن بحياته الا اذا لعب كوره بس ... اما غير الكوره ابد ما طبن رجليه


العمل / شكله بحدى الدوائر الحكومية يمكن بالتعليم او الاوقاف ( ما ادري بالضبط )

يعمل إمام مسجد شمال بريدة .... والمسجد على شارع عام مهب داخل الحي

سيارته فور فضية موديل 92 مركيز به رفرف ودقشه بالوجهية

النصيحة الصحية / لا لا لا لا لا لا لاتكثر من الشطه تراه تضرك


النصيحة الاجتماعية / اذا لعبتوا كوره بالطلعة مع اخوياك لا تكسر ( يا اما العب زين ولا افتح المجال لغيرك ..... على شان ما يزعلون منك الربع ويوقفونك من الطلعة )

أو ترفق على شيبان المسجد لا تطول بالصلاة


انتظر ردك