[عربي أصيل]

ظلمتي حق الرجال بهذا الكلام ..و كثيراً ما نناقش هذه القضايا لكن لا يمنع أن نكرر بعضها ..
أفيدك في بعض ما أعرف عن نساء هي التي بما وصفتيه عن الرجل ..
توجد نساء أربع وعشرين ساعة خارج المنزل : يوم في السوق ، ويوم معزومة على زواج لا وزواج أخت رفيقتها ، ويوم بجلس مع خويتي بالكفي شب بالعثيم ، ويوم فيه حفلة نجاح ، ويوم فلانه مضنيه بزوره بس بروح أشتريلها هدية <<<<< وياكثر ذولي الي يضنن وإذا إذا ما عندها شغل وما لقت روحه تروحلها قالت أبروح لأختي أتعلل عندها ولا أخوي .. والزوج ملطع في البيت بس ياكل خبز وجبن << وما نقول شيء نعمه الحمد لله بس المقصود أنه ياكل إلحاله .. ولو يقول( أ )قالت وش سويت لنا ما سويت شي أنت الي فيك والي فيك أنت غير الرجال .. أيضاً نجدها مهمله في جميع حقوق الزوج ولا تلبس أحسن الثياب ولا إكريم أساس إلا عند خروجها للمناسبة أو أهلها أما بالبيت وعند زوجها لابسه قميص خصوصاً إذا دخل زوجها البيت تبدأ تتفطن للعيال وأمورهم .. هذا واقع بعض النساء هداهم الله ولو يعرس عليها زوجها إنجنت وأصبح مجرم في نظر الحريم لكونه تزوج عليها ..
يا بنت الحلال يوجد رجال والله صابرين على حريمهم وطيبين والله إني أعرف شخص هو الذي ينتظر أن تعود زوجته وعياله من أهلها أو مناسبة في آخر الليل حتى يؤذن الفجر والمسكين بس يفزز ما ارتاح بالنوم ينتظر عودتهم لأنه مهيوش قايلين لا تجيبني يبي يجبنا أخوي ولا ولد أخوي <<< عشان ما يبكر .. وإذا كان هو من سيا يأخذهم للبيت تتوعده لو يمرها الساعة 12 في الليل تقول مبكر لا تجي إلا الساعة 3 ولا 4 بدون مراعاة دوام الزوج ..
أختي الكلام كثير فا أرجوك لا تكوني ظالمة حاولي تفهم الأمر إذا قد الله وأن مررتي بموقف وسبب لك صدمه فاعلمي أنه ليس كل الناس سواسية والله وبالله يوجد من الرجال الحنون والطيب واللطيف والكريم عنده مرونه طافحه .. صدقيني ""
علماً أن ما قلته هو من واقع إطلاعي على الغير وبعض أحول الأشخاص والناس .. مؤكداً أنه ليس تعبيراً عن واقع شخصي للإحاطة ..