[مدحت شوقي بريده]

اعوووووذ بالله ..
وش جايهم الشبااااااااااااااااااااب ..
اللي ماسكة معه عمره .. واللي يبي يطلع للصيد .. واللي سياحة داخل المملكة واللي خارجه ..

<<<(((== طيب يالصعيدي اصبر وراك داخلن عرض وين السلاام وش جايك انت ..


السلام عليكم ..
هلا بالشباااااااااااااااااااااااب ..
خلاااااااااااااااص سلمت عااااااااااااااد ردوا السلااااام ..

الحقيقة ان الواحد يحب السفرااات والروحاااااااااااات والجيااااااااااااااات والوناااااااااسة ..
وهذا من حقه .. وايضاً من حقه انه يختااااااااااااااار من يروح معه .. علشان يتمتع برحلته ..
لكن اللي ماهو من حقه .. ان تكون جميع رحلاااااته لوحده .. ويترك زوجته وأولاده ,,.,,
اكلف ماعليه يقول :

( يافلانة جهزي شنطتي ابسافر .. وجهزي عفشتس علشان اجدعتس على أهلتس )

قمة الاناااااااااانية من أشباة الرجال .. لهذة الزوجة التي عاشت معك على العسر واليسر والمنشط والمكره ..

يالبي اهله ماصدقوا انهم يزوجونه علشان يطمئنون عليه وعلى مستقبله ..
وتوقعوا انه بين ايادي حنونة سترأف بحاله وتعوضها عن سنين عمرها في بيت اهلها ..

فتصطدم بواقع مرير .. مع زوج قي قمة الأنا وحب الذاااااااااااااااات ..
حتى انها تتمنى في بعض الأحيان أنها لم تتزوج او تخرج من بيت اهلها ..

( رفقاً بالقوارير )
والله ياجماااااااعة .. ان السفر مع الزوجة والأولآد أحياناً افضل من السفر مع الشباب ..
وأحياناً اخرى يكون العكس ..
ويبقى ان السفر مع الشباب له ممميزات عديدة وكثيرة .. ولانهضمهم حقهم ..

ولكن لاحظوا هنا بعض الفروق عند السفر مع ام العيال .. ومع الشباب .. :

ام العيال / اول شي تجهز لك العزبة من الى .. ( يعني تنسى المطاعم )
الشباب / مافي امل تكمل العزبة لازم ينسون شي من الطفاقة ..

ام العيال / مايمديك تطلع مع الباب الا زمزميات الشاهي جاهزات ..
الشباب / تعبي زمزميات الشاهي عند اقرب بوفيه .. والا هواش من اللي يصلح الشاهي ..

ام العيال / اذا صرتوا بالطريق .. تجيك هاك اليد الناعمة .. يالله من فضلك .. وهاك الحس الرخيم وتقولك .. ( سم ) دوك الشاهي .. وناااااااااااااااسة ..
الشباب / ينبح صوتك وانت تقولهم ياشباب صبوا لي شاهي تكفون .. ويعطيك البيالة ويقولك امسك البيالة يابقرة ذبحن الشاهي حار لااكبه عليه جعلك تحدره دم ..


اذا رجعتوا من السفر تقولك ام العيال .. ياحبيلك يابعد عمري والله انه رحلة حلوه استانسنا الله يجزاك خير ..
الشباب / الله يقلع اللي يروح معكم مرة ثانيه .. وين باقي القطة بس ..


هذا غيض من فيض .. للشباب الذين يظلمون زوجاتهم او اخواتهم وامهاتهم بإجلاسهم بالبيت .. وتكون السفريات والرحلاااااااااااااات لهم فقط .. لأنهم يعتقدون أن السفر مع الزوجة أو الأهل يقيدهم او يقلل من ونااااااااااااستهم ..


لكي الله ياربة البيت <<<(((== ماله دخل .. بس بلشت مادري وشلون اختم الموضوع ..

وناااااااااااااااسة ..