 |
|
|
|
|
22-06-2011, 06:09 PM
|
#1 |
|
عـضـو
تاريخ التسجيل: Mar 2008
البلد: تـــبـــوكــ الـــورد
المشاركات: 1,417
|
تم أختراق جهازك .. ذذ
..
 \ كيف يتم اختراق جهازي ؟ شف يبو المفهوم العام للأختراق .. انه يتم زرع باتش في جهازك .. يقوم بفتح منفذ .. وارسال واستقبال المعلومات بينه وبين الهكر . \ كيف يزرع الهكر الباتش ؟ الطرق كثيره .. اما عن طريق الاي بي .. وهذي قليله لانها متعبه .. او عن طريق برنامج ملغم او صوره ملغمه .. اول لعبه او صفحه ملغمه . \ طيب يبو .. كيف ادري ان جهازي ملغم ؟ ماراح تدري .. الا اذا قام الهكر بحركه او شئ مريب في الجهاز .. مثل حذف شئ .. او اضاف شئ .. او اشتغلت لمبه الكام .. او انسرق الايميل . \ طيب برنامج الحمايه مايصيد الباتش ؟ المفروض انه يصيده .. لكن الهكر ماراح يلغم بباتش .. الا اذا كان مشفر عن برامج الحمايه.. حتى ماينكشف امره ..ومهما كان برنامج حمايتك .. فالتشفير عنه وارد وحاصل .. يعني لا تقول برنامج الحمايه الفلاني ما يعدي منه شئ . \ وين وصلوا الهكر بتقنية التلغيم ؟ وصلوا للأحتراف يبو .. يعني يلغمون لك صوره و برنامج ولعبه او بروكسي .. وفيه تلغيمات تكون في صميم البرنامج .. يعني مهما فحصة .. وكنت محترف تحليل .. ماراح يظهر لك انه ملغم ابدآ .. يقدرون يصممون لك برنامج ملغم بعد.. حتى برامج الحمايه يتم تلغيمها  يعني احرص من الي يحميك يبو ..\ نفرض انك اخترقت جهازي يارامي .. وش تقدر تسوي ؟ ابسحب فيك ..  افتش جهازك مجلد مجلد .. وابدور اي شئ خاص ..صور .. مقاطع فيديو .. سيره ذاتيه .. اقل شئ محادثات المسن .. اشوف الايميلات الي عندك واضيفهم واتونس.  واذا جهازك فيه كام . احلى شئ بالحياة ..اشغلها واناظرك واناظر الي يمشون حولك ..وان بغيت ابتزك .. صورتك فيديو ..وان لقيت ايميلك يستاهل .. اخذته .. واذا اني خبيث نزلت لك فيروسات في جهازك ..ولا قفلته برقم سري واجبرتك تفرمته  \ كيف امزعك من جهازي يبو ؟ الحلول كثيره .. لكن الافضل والاريح .. فرمت جهازك من عروقه . \ وشو الضحيه بنضركم يالهكر ؟ الضحيه يبو .. انسان غشيم .. مايدري كيف يحمي نفسه .. همه انه يحمل اي شئ يجوزله .. لا يحرص ولا يهمم وش بيصير ان صار ضحيه .. نتونس فيه .. وان لقينا شئ يجوزلنا عنده .. اخذناه .. وعساه مارضى .. اذكر واحد من العيال اهداني 22 ضحيه ..  .. بمناسبة يوم ميلادي ..الله يذكره بالخير   ( وش تحس فيه لو انت هديه ) \ كيف اهداهم لك  ؟!عادي بضغطة زر يحولهم لي .. ويصيرون ضحايا عندي مو عنده .. وبكذا تصير من يد هكر الى يد هكر .. يعني الكل فتش جهازك وشاف وش فيه واخذ الي يجوزله . \ ياخي انت خوفتني .. الحين ابي برامج منين احملها ؟ حملها من المواقع الرسميه لها .. وان ماكان لها مواقع رسميه .. مرعلى موضوعي ( هنا ) وادعلي \ لو الهكر سرق شئ من جهازي .. او سرق ايميلي .. كيف ارجعه ؟ بالنسبه للأيميل .. تقدر ترجعه عن طريق مراسلة الشركه الام .. بشرط انك تعرف البينات الخاصه بالايميل .. حتى تثبت بأنك صاحبه .. اما الامور الثانيه .. فحسب الهكر .. بعضهم يرجعه .. وبعضهم يقولك بلط البحر .. لكن انتبه .. بعضهم يطلب شئ مقابل شئ .. يعني يقولك خلني اشوفك كام وارجع الي لك .. لانه راح يصورك فيديو وتتعاضم مشكلتك معه .. بعضهم يطلب مبالغ ماليه .. او بطاقات شحن .. و بعضهم يطلب رقم الجوال ..لكن انت لا تعطيهم وجه .. ان رجعوها بطيب نفس ولا ابدآ لا تقبل المساومه .. وكل الله عليهم .. وانس الي لك اما الحسابات المرتبطه بأيميل .. مثل عضويات المنتديات او الشركات .. فتقدر تسترد الحساب عن طريق الايميل .. اذا ماسرقه الهكر . \ وش افضل برنامج حمايه ؟ والله شف انا قلت مافيه برنامج حمايه يحميك بقوة .. لكن انا افضل برنامج الافيرا .. لانه يكشف بالباتش قيم صعب تشفيرها .. يعني يساعد بشئ بسيط من الحمايه .. \ طيب .. انا اشوف الترتيب العالمي لبرامج الحمايه .. تهقى ان عندهم سالفه ؟ لا والله ماعندهم سالفه .. لاننا اذا بغينا نشفر عن حمايه .. نحدثه .. حتى نعرف وش آخر قيمه كشفت منه .. ونشفرها .. وبكذا خلهم يصورون مع ترتيبهم .. وعلى طاري الترتيب .. لا يغرك شهرة برنامج حمايه معينه .. ولا كشفه للفيروسات والباتشات .. لان هالشهره .. تتحطم وقت التشفير .. ويصير مفعول برنامج الحمايه لا يكاد يذكر احيانآ .. >> يدق بالكاسبر سكاي  وبعض الاحيان تشفير برنامج واحد من برامج الحمايه .. يسقط معه اكثر من حمايه .. \ كيف احمي نفسي من الهكر ؟ في المواضيع القادمه .. اخدمك واعلمك كيف تحمي نفسك .. ولا يهمك يابعدي . ================================================ حبيت انبه الى هالنقاط : * المهايطيه في مجال الهكر كثير .. مو كل من قالك انا هكر تصدقه . * الهكر ماعندهم ذمه .. الا من شاء الله ان يكون فيه خير . * لا تحاول تتعلم الهكر .. فاولله العظيم انه مضيعة وقت وجهد .. وكسب لذنوب .. وفي الاخر تطلع بخفي حنين .. لا تعلمة شئ يفيدك طول حياتك ولا سلمت من ظلم الناس . ( دعواتكم لنا ) يا فخم
__________________
. تم .. بفضل الله .
|
|
|
| الإشارات المرجعية |
|
|
النمط الأحادي