[برفسور ملتمس]

اقتباس القصه اعجبتن اما بالنسبه للون العبايه ففيه شي اسمه عرف البلاد مثلا عندنا المتعارف عليه الاسود والي تلبس لون غير الاسود احسه تتعمد لفت الانتباه حتى لو كان لون غامق مثل البني او الكحلي وبافغنستان اللون المتعارف عليه السماوي واتوقع عيب انه الوحده تلبس عبايه سوداء عندهم عموما اشوف هالبنات بالاسواق بدن يلبسن كل الالوان والمشجر والمخطط وغيره

رد جميل ومقارب لبعض الردود السابقة - فيما معناه { أن اللون الأسود للعباية أصبح هو المتعارف عليه }

ياسلام سلم ، ولكن يبقى السؤال المهم والأهم من الشخص الذي قام بجعله متعارفاً بين الناس ..

اقتباس تصدق انك ماتعرف تناقش جايب موضوع ولاتعرف تناقش فيه سمعت قصة فيها غزل وجيت ركض تكتب ولاعندك إدراك للموضوع ونقولك من زمن الصحابة يتخمرون بالاسود وتقول مافي دليل ، ياليت فيه شروط لانزال المواضيع .وش رايك تجيب قصة للرجال يلبسون بناطيل مخططه بدل الثوب ممكن يغيرونه ليش لا ؟!

صدقتي أنا ماعرف أناقش لأن الموضوع خاص بالبنات وجاهل فيه ولأني بكرى يبي يصير لي بنات لازم أعطيهم دروس عن لبس العباية ولما تسألني بنتي ليش نلبس أسود وش أقوله { مسكين } هو الي خلاكم - أنا قلت يمكن تفلحين وتجيبين دليل على العباة الي تلبسينه ليش أسود آخر شي تقولين { من عهد الصحابيات } ولو بحلف ماعرفتي عهد الصحابيات الا من موضوعي هالي تتطنزين فيه ولا مع الخيل ياشقرى لو يبدلون عباياتهم من أسود إلى فسفوري غيرتيه هههه
وأما الشروط لإنزال المواضيع عاد فاتت ولا ودنا بعد تصير شروط لإنزال الردود ..
ولاتعودين لها الله يصلحك قولي آمين..

اقتباس وانتم فيه دليل ان الشماااغ احمر ولا اخبر بوه قصه هندي حط فوطه حمرا فوقه ومدري ايش قاااااااال وصار احمرانا اشوووووووف ان العبايه سوداء عرف شي متعارف عليه خلاص

الا فيه بس يوم دريت أنا صرت البس غترة واواقت اطق لي كاب بس عشان اخالف وماحس أني مقيد

اقتباس الصراحه لون العباءه ماعمره أشغل تفكيري وأشغلك !!!!ولكن

شفت الرد كامل { شكراً } ، ولكن حبيت أعلق على هالجملة وباقي الرد خليته كما هو لأنه واضح

الغريب والعجيب وابحط الف استفهام كيف أن اللباس الي تلبسونه مايشغل تفكيركم مع أنه معاناة كثير من النساء خصوصاً بالقصيم والسبب الأجواء الساخنة غير كذا - أنا وانا رجال المفروض ماتلقف بمثل هالمواضيع الا أنه شد انتباهي وقلت ليش { العباية بلاك }

اقتباس طيب سؤال ليه لون البشوت اللي تلبسونها أسود + بيج + سكري ليه ما تلبسون بشت أزرق ؟؟؟ أو أحمر ؟؟؟؟ أو فسفوري ؟؟؟ أو موف ؟؟

شكراً على مرورك وهذاك قلتيها أسود ولا بيج ولاسكري ، وللتوضيح ترى نلبس أزرق ، وعودي

يعني الألوان الجميلة ولم نختص في لون واحد مثلكم

اقتباس اترك الاستنتاج للبنات هن ابخص ما ابي اشغل نفسي بشيء ثانوي الاهم تغطي وجهه باسود او رمادي فالوسيلة تبررها الغاية

طيب اشغل نفسك بابتدائي

تصدق نزلت المكيف يوم جيت ارد عليك والسبب اسمك

هذا الي همك تغطية الوجه - طيب مافكرت تختار الشي المناسب للتغطية
وخلينا من الوسيلة مدري عكاظ - ياليت تدلو بدلوك وتجيب لنا دليل ترى عادي نشارك الشباصات بمثل هالمواضيع دام صرنا السبب في اختيارهم للون العباية ودحدرتهم ورى مسكين ..