[الامل الواعد]

السلاااامـ عليكم ورحمة الله وبركااااتهـ:
اسعد الله صبااحكم..طبعا انا موااصله مانمت غير ساعتين<<من خبر افزعني في البارحهـ..المهم..بخش بالموووضووع دوووغري...معروف ان طلب الدعااء لايكون الا من الله تعالى واذا دعاء الانسان وهو غير قاصد اما ان يكون من باب الغضب او ماشابهه فقد يكون باب الدعوه مفتوووح ويستجاب الدعاء وفعلااااااا هذااااا ماحصل لأخت جااارتي ..
القصهـ:.
اخت جارتي متعلقه بأهلها ماشاء الله مثل اى علاقه اسريه حب الاب و الام والاخوان المهم يوم من الايام تغيرت حالة اخيها الكبير وصااار يتعب من الالام تأتيه..فذهب هذا الأخ الى المستوصف اهلي كي يعمل تحااااليل واشعه ويرى ماهذا الألم الذي يأتيه فأخبره الدكتور ان معه سرطان بالقولون عافانا الله منه المهم انصدم الولد وسووى مره ثانيه وطلعت نفس النتيجه..رضي الولد بما قسمه الله له فقال بعلم اهلي وفعلااا علم اهله فانصدمت العائله ومنهم من اغمى عليه ومنهم من بكى بحراره وزوجته وووو ..تقول جاارتي (اخت الولد )مرت عليهم ليله عصيبه بكاااء ونحيب فذكرت جارتي موقف اختها لما علمت وهي في منطقه اخرى اتت لهم من اليوم التاالي وتضم اخوها وتصيح وتقول انها كل ليله تدعي في الصلالالالاه فماذا كان دعاءهاا<<هل بالشفاء لأخيها دون تعويض او او المهم كانت تدعي بحراره وترفع يديها الى الله وتقول(ياارب ابعده عن اخوي وضعه فيني او في احد من اولادي)يا الله .. وبعد مرور اياام من بعد اخبار الولد لاهله اقتنعوا واخذوا بالدعاء وتشجيعه وفي قلوبهم نار تتأجج على حالة ابنهم الشاب..المهم راح الولد للمستوصف الاهلي واخذ تقاريره واوراقه علشان يوديهن للمستشفى الخاص بالاورام<<ذكرت لي اسموه بس نسيته الظاهر مستشفى الملك فهد..ولماا راح لهم وهم ايضا بدورهم يسوون اشعه وتحاليل يوم سوو جو الولد يبتسمون ويقولون له ماعندك سرطان بالقولون << فرح الولد وحب يتاكد كيف وانا مسوي مرتين عند ذاك المستوصف<<سبحان الله انا مارتاح للهالمستوصف دايم اسمع عنه قصص <<ودي اذكر اسموه بس اخاف ممنوع..المهم قال طيب وشو الي معااي قال له الدكتور:الي معااك التهاب بالقولون خذ هذي الادويه وبيروح ان شاء الله تقول جاااارتي تخيلي طرررررررررررررنا من الفرح لما درينا وخااااصة اختي <<طبعا اختها الى قلت انها تدعي لاخوها ان المرض يروح منه ويجيها والا واحد من اولادها..وبدأت الاحتفالات بسلامة ابنهم عشاء على الام وعشاء على الاخت...الخ المهم مرررررررررررررررررت الايام يمكن سنه ..الا اخت جارتي تغير ولدها وكان عمره 3سنوات وتقول تجيه سخووووووونه ولاترووح عنه وبداء يضعف وطلع في يديه بقع حمراء وشككوا الاهل بوضعه ابنهم يذبل وهم على خافض الحراره ..ودووه المستشفى طبعا الدكتور شك بوضعه ونوموه بالمستشفى سوو التحاليل وكانت الصااااااااااااعقه ان الولد مصاب بسرطان الدم<<ياااااربي ..ماراح اقولكم عن وضع الام والاب<<حدث ولاحرج ..وبداء الطفل بالتعب وكانوا بالشرقيه ولهم ايضا مراجعات بالرياض..مستشفى الملك فهد<<اعتقد هو خاص بالامراض هذي..فسبحااان الله الام تعذبت وقبلها الولد ذااات الثلاث سنوات كيمااااوي <<ياقلبي وشعره بداء يطيح وبداء ينحل جاله سنه على هالحاله من مستشفى الى مستشفى حتى قال لهم الدكتور ان الولد بداء يتشافى وان شاء الله السرطان بيروح عنه ومن هالكلالام وتقول اخر مرره قال الدكتور فعلااااا السرطان راح عنه وفرحت الام والاب يارب لك الحمد ...ولكن رجعت الاعراض لطفل يسقط وهو واقف وحراره ....راحو المستشفى ايضاااا جاءتهم كالصاعقه ان الابن بسبب الكيماوي وكثره تعاطيه سبب عنده امراض بالقلب <<ذكرته لي بس ماتذكر منه شي..الولد جاء بالشتاء عند اهل جارتي واخذتنى جارتي قالت ان اختي جايه لها موعد لولدها بالمستشفى<<قلت خلي اروح واسلم عليها..سلمت عليها وهي تبكي وتقول الحمد الله على كل حال لان المستشفى الي بالرياض قايلين له القلب تعبان مررررره والولد مايتحممممممل اي زعل وسلمت على الولد يااقلبي عليه نحييييف مره وواضح عليه علامات التعب ومنعزل عن الصغاااار وربي دمعت عيوني من الموقف ...عطيته ارقام شيوخ ورقاة من ضمنهم ابو عبد الله ومنهم من جاء يقراء عليه جزاهم الله خيرااا..المهم راحت ورجعوها مستشفى الدمام للرياض بسبب حالة الولد انه تعبان وفعلااا جت وتنومت عليه صار له شهر وكل ماتكلمني تقول الحمد الله ..وتقول ان الدكتور يقول خلاص بأي لحظه راح يموت لان لازم زراعه للقلب وصعب ان يوجد قلب بسهوله ومن سوء الحظ ان القلوب الي بالمستشفى من عمر 14وفوق..وأأخر مره كلمتنى قالت قصة ولدها يوم جاءها الدكتور يقول لها خلاص ولدك راح يودع ..فتقول ان ذيك الليله مر علي موووقف صعب تقول انه مميل رقبته ومايتكلم تقول طووووووووووول الليل ادعي لمين نمت تقول يوم قمت وعيوونى تدمع الا اشوف اولدي يقول يمه جوعان وين الفطور..المهم قال الدكتور مافي حل غير نسوي عمليه ولكن اذا سوينا عمليه راح يرجع السرطان<<الله يكفيناا شره يارب ..وان عضلات قلبه كلللللللللها تعبانه الا عضله وحده الى هو عايش بها الحين<<<كلالالالالالالام طويلالمهم جتني رساله على جوالى قبل البارح من جارتي ان ولد اختها توفى<<ياااااااااااااااااا الله ان لله وان اليه راجعون..الله يصبر اهله ماقدرت انام قلت خل اكتب الموضوع هنا انا الى جاء ببالي ان سبحااان الله دعوت الام <<يمكن لو لم تدعى بهذا الدعااء لما اصابهم ماصابهم ولكن قدر الله وماشاء فعل ..الله يرحمك يااعلي ..اسفه على الاطاااله