 |
|
|
|
|
20-07-2011, 08:36 AM
|
#1 |
|
عـضـو
تاريخ التسجيل: Apr 2010
البلد: في عالم الكيمياء
المشاركات: 17
|
تجربتي مع التربيه العملي
صباح الخير
حبايبي انا اليوم اول مره انزل موضوع ماكانت عندي الرغبه اني انزل مواضيع صراحه اني اخاف اغلط على احد او يحصل سو تفاهم بيني وبين احد من خواتي اللي بالمنتدى بس اليوم قررت اني اقولكم عن تجربتي بالتربيه العملي( التطبيق) اول حاجه انا وصديقاتي كنا مختارين مدرسه بس يوم جينا الأسبوع الأول ورحنا للشؤون لقيناهم مغيرينها طبعا صديقاتي تضايقن وعلى طول قلت ماتدرون يمكن خيره ورحنا للمدرسه المتوسطه 29 استقبلتنا المساعده كانت في منتهى الذوق عطتنا بعض النصايح عن الطالبات وطريقة تعاملنا معهم كانت المدرسه واضح انها جديده التقينا بعدها بمعلمة الماده وكان اكبر همنا انهم يطردونا من المدرسه واحنا مالنا خلق البهذله اول ماشافتنا سلمت و ابتسمت انا بعدها كأن جبل من الهموم انزاح عن قلبي وتودينا المصلى قالت هذأ مكانكم الى ان تنتهي فترة التطبيق قعدت انا وصديقاتي نكلم بعض تتوقون حليله طيبه رح تتساهل معنا بعدها بدأت رحلتي مع التطبيق كانت تجربه من احلى التجارب كنت انتظر يوم الأحد بفارغ الصبر وفي كل يوم يزداد احترامي لأستاذتي تدرون ليش لأني كل يوم اثنين اسمع شكوى صديقاتي ومجرد ماينتهون من شكواهم ابد ادعي لها؟؟ تدرون مين يابنات استاذه نوال الحمود مدرسة العلوم والله يابنات اني محتاره وش اكتب عنها اخلاق مالها مثيل والله العضيم ان كل يوم احد ارجع البيت اسأل نفسي فيه الى الحين ناس مثل هذي الأخلاق لدرجة اني يومي كله وانا مالي سالفه الا هي كل كلمه كانت تقولها كنت احفضها عشان اقول لأمي عنها كان كلامها مثل العسل اخلاق اخلاق اخلاق اخلاق ماشاءالله تبارك الرحمن كانت تجلس بيننا ع الفرشه وتبدا تشرح لنا طريقة الدرس ووش اللي مطلوب منا كانت اذا جت تحدد الدرس اللي رح نشرحه وهي جالسه لازم تقعدنا بجنبها حتى لو هي بغرفة المعلمات كانت مستحيل تمشي ووحده منا وراها لازم نكون بجنبها تدرون إذا طلعنا من الشرح وجت تقيمنا اول حاجه تقول مميزتنا وتبدا تمدح الدرس والشرح وكأن شرحنا ماله مثيل بعدين تقول عيوبنا وتقولهن بطريقه عجيبه ماعمرها اكسرت خاطر وحده منا انا ماكتبت هذا الموضوع الأ بعد ماشفت صديقاتي اللي بقسم غير قسمي وكيف يدعون على معلماتهم وعلى طريقة تعاملهن مهعن انا مارح اقولكم كيف ذلوهم وكيف سيطرو عليهم وكيف جلسوهم بفرشه بالساحه عند الطالبات وكيف اهانوهم على الطالعه والنازله انا بعد ماشفت استاذه نوال وكيف تعاملنا قررت بعده قبل اي تصرف اتذكرها واتذكر تعاملها واتذكر كيف انا الى الحين كل ماذكرتها دعيتلها وكل ماذكرتها ابتسمت لاشعوريا ياخواتي يامدرسات خافن الله بالطالبات تراهن لسا متدربات لاتحسبن انكم يوم تبهذلونهن شخصياتكم قويه لا والله شخصياتكم ضعيفه والدليل انكم ماقدرتو الا على الطالبات اللي مالهن لاقوه ولا ناصر شكرآ استاذه نوال لن انسا تعاملك الراقي معنا ولن انسا تجربتي معك ولن انسى اخلاقك التي عجز اللسان عن وصفها؛؛؛؛ وكمان كانت في المدرسه مرشده ونعم المرشده كنت اناضرها كل يوم واهنيها على طريقة تعاملها مع الطالبات ووالله لو انه على كيفي كان عطيتها وزنها ذهب راتبا لها استاذه زهره العقيلي >>>الظاهر اسمها لاني نسايه ماشاءالله تبارك الرحمن الله يوفقك لما يحبه ويرضاه  وكمان ماأنسى استاذه هند الحربي مدرسه العلوم الثانيه كانت ونعم المعين لنا بعد الله وفقك الله لما يحبه ويرضاه انتهت رحلتي والله اني فارقت المدرسه ودمعتي على خدي مديره فاضله ومساعدات اسلوبهن راقي ومعلمات محترمات وطالبات لن انساهم  اللهم ماكان من صواب فمنك وماكان من خطا فمن نفسي ومن الشيطان .................................................. .................................... |
|
|
| الإشارات المرجعية |
|
|
النمط الأحادي