[فؤادعنتر]

لا يخفى على الجميع المستوى الحلزوني الذي بلغْتٌه من القدرة على تحليل الأمور وسرعة البديهة ودقة المعلومة وإصابة الرأي السليم ما لكم بالطوااااااله .
كعادة الزملاء يستشيرونني بما يلم بهم من مصائب ومشاكل ، وآخر من استشارني أحد زملائي ((تذكرون قصته خوينا راعي (الاف جي) تزوج ابن عمه وحصلت له مشكلة عائلة قال مالك إلا فؤاد عنتر يحل مشكلتك وأنا بصراحة مليت من حل المشاكل خاصة مع الناس اللي يشاور ولا يأخذ بالنصيحة المهم الرجال هذا سبق وشاورني بموضوع سر لكن عشان تعم الفايدة وندور الأجر (الدنيا تبي ولآخرة تبي) قالي أول ما تزوج انه لا حظ ورود اتصالات على هاتف زوجته وكانت ما ترد ويتغير وجهها ويوم كثرت الاتصالات سألها وقالت بجاوبك بصراحة هذا ابن خالتي كان ناوي يتزوجني وأنا رافضه والحين بداء يشغلني يوم صرت ما أرد بداء يرسل رسايل وتقول اخذ الرقم من أخته ,الرجال لما استشارني قلت له في وقتها الحل الطلاق لكنه ما سمع كلامي وقال أحبها وقلت له ماهو حب ذا حنا ما نعرف الحب هذا اسمه تعود بدليل أن الرجال ما تسعة الفرحة إلا أذا راحت زوجته لاهلها لو حب ما يصبر عنها متى تفهمون الفرق بين الحب والتعود زى المرأة اللي ما تحب زوجها ولما يزوج تصيح وتدخل المستشفي هذا مو حب هذا (حسد) المهم الرجال جاء بسالفة جديدة يقول انه شاف على أخته الصغيرة ثوب قصير وهاوشها وردت عليه قالت انصح زوجتك وبعدين تعال انصحني ؟؟الرجال يقول زوجتي لبسها محتشم حتى السوق تلبس مداسيس وشراب وعباه فضفاضة ولاركبت السيارة تدعو دعاء السفر يعني مضبوطة وش تقصد أختي بقولتها انصح زوجتك؟؟ يقول سئلت أختي الكبيرة شو السالفة ؟؟ قالت أنهم يقولون شايفين زوجتك لابسه لبس فاضح بأحد قصور الأفراح , وفعلاً كان موديها لقصر قبل أسبوع لكن كانت ملابسها عاديه ويوم أرجعت كانت تقول لو كنت ادري أن فيه (طق)مارحت , يقول بديت اشك بالسالفة بعد شهر طلبت أوصلها لقصر أفراح لزواج أخت صديقتها يوم جينا نروح وركبت السيارة قلت لها نسيت جوالي روحي جيبيه , بعد ماطلعت لشقة تبعتها وطلبت منها تشيل العباه , لكن كانت ملابسها محتشمة ,تعوذت من الشيطان كيف اشك فيها والمسكينة ما تدري شو السالفة وقررت قبل أوصلها للحفلة اشتري لها هدية ,عقد الماس قيمته (4600ريال) نزلتها بالحفلة وبعد ساعة اتصلت على أختي وقالت زوجتك ترقص بالحفلة ولابسة ملابس فاضحة قلت (أن كيدكن عظيم ) يوم شفتي عقد اللاماس بدا الحسد,قالت تبغاني أصورها لك عشان تصدق ,بصراحة البنت تتكلم بثقة مخلوط بحسد ,أنا دخلني الماء وانتظرت على أحر من الجمر ,ويوم شلتها من القصر ووصلنا للبيت طلبت منها تفصخ العباه وشفت ملابسها عادية ؟؟؟ فتحت شنطتها ,وهنا الصدمة حصلت ملابس عاريه بحل يا ملابس فيفي عبده, الحين ابغي رأيك يا فؤاد عنتر؟؟ اجل لوكانت تدري أن فيه طق ما راحت ؟؟؟
بلا تردد اولاً خذ العقد اللاماس وعطه لأختك و الحل الطلاق وتحول من أول الدرجة خير لك من آخره(الدنيا تبي والآخرة تبي )