بريدة






عـودة للخلف بريدة ستي » بريدة ستي » سـوالـيـف كـشكـولـيـة » رصيف الكشكول » لحظـات قـــذرة / بمدينـة بريــــدة ..!

رصيف الكشكول قسم الألعاب والمواضيع المنقولة والمكررة

 
 
أدوات الموضوع طريقة العرض
قديم(ـة) 28-07-2011, 03:11 PM   #1
برفسور ملتمس
عـضـو
 
صورة برفسور ملتمس الرمزية
 
تاريخ التسجيل: Sep 2010
البلد: لازلت برحلة رعب ..!
المشاركات: 1,186
لحظـات قـــذرة / بمدينـة بريــــدة ..!

السلام عليكم ورحمة الله وبركاته ..



موضوعنا اليوم عن [ المراعـي ] ..!



عندما أصبحت المراعي .. << قـلق بهالمواضيع .. هههههه ..







<=- يستهـبل ..! :







نجي للموضوع :

==


أنا لاحظت من بعض الذكور [ صغير ولا كبير ] .. أنهم لايهتمون في النظافة أو الشكل المقبول :

مثلاً :

- مايعترف في السباحة ألا من الجمعة [ للجمعة ] هههه انا مستغرب كيف عايش مع الناس بهالقذارة ..!


- معجون الاسنان [ مستحيل يستخدمه ] ولما تناقشه هذا عشان تنظف فمك وتحافظ على أسنانك .. تأتيك الإجابة المشهورة : [ هل أنا بنت ..! ؟؟ ]


- أدوات التنظيف [ مزيل العرق الشامبوات أو الكريمات الأساسية << دققو بالأساسية : .. الي تستخدم بعد الاستحمام / أو العطور ] .. هذي عند البعض غير معترف فيها بل يعتبرها للنواعم ..!



- اللبس : [ البرمودا - التكميلات - وغيرها ...إلخ ] هذي معدومة عند الكثير وليس البعض ..!



حالات قذرة :

يجي واحد تلقى ثوبه أبيض واذا طلع مع السلم [ تشوف سرواله أصفر ولا تلقى زراره مفتوح وتلقى فنيلته صفراء ] هههههه .. مع أن الفنيلة والسروال على عشرة أو عشرين ههه ..!

وتلقى واحد وأنت تصلي [ بتركع ] الا شرابه ياشيخ روائحهم [ فايحه ] .. وشكله ماغسلهم له أسبوع .. فياناس الموضوع صار يتدخل في أمور كثيررة حتى بالمسجد ..!

بمكان عمل أو غيره أو بشباك خصوصا لموظفي البنوك [ تبي تتكلم مع شخص ] هههه تلقاه ماسوف أسنانه يعني الحمدلله أن الدوام فيه شماغ [ ولا كان كيف نتلطم ] عن مثل هالروائح ..!

كبارين بالسن مستحيل يهتمون أو يسبحون ليش .. او عشانهم كبارين .. ياخي [ أنا أعرف ناس أعمارهم بالسبعين والثمانين ] ماشاء الله نظيف جداً والبخور مايفارقه وهذا يدل على نظافة البيت أما ، بعضهم غير مهتمين بحجة أن ابوهم بخيل أو كبير بالسن ..!

==


ياعالم [ القصيم بالذات وليس بريدة بحكم جوها الحار والجاف ] بحاجة إلى أن الواحد يتنظف يومي .. [شوي نبي نشم روائح نظافة : مهب لاجينا نصلي ولادخلنا محل ولارحنا للدوام عرق وقلة حياء ]..!




ملاحظات

- بعضهم يحسبه اذا تزوج خلاص يقول ليش اهتم - ياخي ماقلنا اهتم وتعال للدوام ولا للمسجد ببشت - قلنا تنظف مانبي منك الا كفاية شرك [ مانبي نشم روايحك يهالي ماتستحي على نفسك لاوبعد جاء رمضان وصايمين ] لأن هذا يحسسنا أن ماعندك مرة بالبيت تهتمك ..!


- بعض الشباب اذا قلت له ألبس [ بدلة ] قال لي شايفني [ مشفرة !! ] .. يعني سكان جدة والرياض والدمام والعالم كلهم [ مشفرة ؟؟ ] هههههههه يالله لك الحمد .. وبعضهم فعلاً وده يلبس عشان يرتاح بالنزلة والطلعه ويفتك من الشماغ والثوب بس يخاف ينقال له مثل هالكلمات ..! وهذا خلل في التفكير ..!


=

فياليت يتخلون عن هالقذارة أعوذ بالله - عيب استحوا - يعني انا قلت أكتب موضوع بطريقة غير مباشرة - [ يمكن بعضهم يستحون ويهتمون في أشكالهم ] ..!



ياليت تثقفون أولادكم أخوانكم - لأننا بالصيف = ومقبل رمضان = مالها داعي نصوم عن الاستنشاق بعد .. بالتوفيق
__________________
أستعملت جميع الأسلحة معكـ من الخنجر ، إلى صاروخ عابر القآرآت ، أستعملت حتى أظافري لكسر جدرآن كبريائكـ ..!
وَبعدمآ خَسرتُ جَميع أوسمتي وَجنودي ، [ بَكيت ] لآنني أكتشفت أن أشجع رِجآلي تَركوني وَذهبو آليكـ ..!
برفسور ملتمس غير متصل   الرد باقتباس


 

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 05:34 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)