 |
|
|
|
|
05-09-2011, 10:10 AM
|
#1 |
|
مشرف أخبار بريدة
تاريخ التسجيل: Jan 2010
البلد: بريدة
المشاركات: 5,840
|
رحلتنا للصيد البارح ( تقرير + صور ) ~
 أتفقت أنا والعيال اننا نروح نصيد بشري بعد العيد . بعد صلاة الفجر أمس حركنا من البيت متوجهين لم شري وكانت الرحلة عبارة عن سيارتين وكان احد الزملاء ماشي قبلنا بيوم وينتظرنا هناك في شري وحددنا المكان المخصص اللي راح نتجمع فيه واتفقنا نلتقي جميع بمزرعة أحد العيال . ولعل الصور كافيه عن الشرح أترككم مع الصور : وصلنا المزرعة وخوينا ضابطن مكان الجلسه عند الساقي وضابطن القهوه قبل ما نجي ومصيد شوي دخل   ::  :: أول ما جلسنا جاء فرق غرانيق   ::  تقهوينا وجلسنا شوي وكلن أخذ باروده وراح يصيد دخل . الحمد لله صدنا حول 40 دخله قبل ما تتم الساعه 7 صباحاً . نتفنا الدخل قلنا بنسوي مقلقل وهذي عادتنا نجلس نصيد واذا جمعنا حق المقلقل جلسنا وافطرنا عليه وقمنا نكمل الصيد مرة ثانية المهم هذا ابو خالد يظبط المقلقل  ما بعده كلام تسلم الايادي والله  ::  ::  ::  وهذا موتر ابو فهد ماشاء الله تبارك الله كل شي موجود فيه مطبخ متكامل  أبو فهد يضبط الشاهي للمقلقل   ::  ::  ::  ::  ::  :: تفضلوا على قل الكلافة   ::  لاعبين علي قاعدن أصور وهم ياكلون   إحتراف    :: لقينا وز ورماهن ابو خالد وهذا المقسوم منهن , وضاع نصهن بالزرع   جلسنا بعد صلاة العصر ننتف الدخل الباقي من اللي صدناه بنطبخه للعشاء  قومن تعاونو ما ذلوا   ::  خلصنا ناتفين ورحنا للمحوري نتعشى به .  هذا المحوري ( رشاش ماء , خضار وبراد وماء ووناسه )  هذي جلستنا الجو خيال ماشاء الله تبارك الله . ::  ::  ::  ابو فهد يطحن القهوه بالطاحونه ماشاء الله عليه  شغل متكتك تبارك الله  لاضاق صدري قمت اسوي من الكيف فنجـال بـن مايغـبـب سريـبـه  :: ابو عبدالله هو اللي بيطبخ لنا العشاء كالعادة فنان ماشاء الله عليه ( شيفه) . البصل والطماط  فلفل  الدخل المنتوف  ::  تقليب الدخل مع الكشنه .  يا لــــيل يا لغـــز بــك الفكــر يحـتار * * يا حاضر ســــرك عن االنـاس غايـب يا كثــر ما يخفي ظلامك من اسـرار * * من غاص با عماقك يشوف العجايب  ::  بدون فلاش  العشاء خلص وهذا ابو عبدالله ينتسب العشاء  ::  ::  ::  ::  يمممممممممم  شي خيالي  ابو خالد رايحن وطي مع الحكاكه  ابوفهد يضبط الشاهي الخادر حتى يكون جاهز لبعد العشاء يامال العافيه والله .  انتهى التقرير  وإن شاء الله يكون أعجبكم شكراً لكم على المتابعة سلاااااااااام 
|
|
| الإشارات المرجعية |
|
|
النمط الأحادي