 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
07-09-2011, 09:58 PM
|
#1 |
|
عـضـو
تاريخ التسجيل: Apr 2011
البلد: السعوديه
المشاركات: 406
|
افكار وخواطر في نفسي تحتاج اجابه......؟!
السلام عليكم
احيانا يخطر في بالي افكار كثيره وهواجس... ودي افضفص عليكم فيها يمكن القى عندكم اجابه عليها او على بعضها ...ربي يسعدكم وهذي يعضها .... هل الاموات يشعرون في الاحياء يعني يحسون في احزانهم او افراحهم او اعمالهم او حتى الصدقة لهم مثلا انا ابو متوفي الله يجعله بجنات النعيم هل يحس في افراحنا او احزاننا هل يحس اذا تصدقنا عنه وهل يتضايق لو سوينا شي مايبه وهل افعالنا السيئه من بعده تضره او ماله اي علاقه باهل الدنيا ؟ الكفار سعداء والمسلمين تعساء لو شفت احوال الكفار القى عندهم استقرار ومرتاحين ومستانسين والمسلمين عايشين بحروب ومشاكل وفقر ومجاعه وظلم ليش مع ان اللي مو مسلم له معيشه ظنك ؟ زوجت الاب والعدوانيه دائما العدوانيه والشرانيه والظلم مرتبط في بعض زوجات الاب ليش اغلب زوجات الاب شرانيات وظالمات مع ان التعدد شرعه الله وش السبب ؟ ليش ما تعيش زوجه الاب بسلام بدون مشاكل ؟ الايمان وشخصيه الانسان يقلون المؤمن عنده يقين وصبر وتحمل بس اللي اشوفه ان هذا يرجع لشخصيه الانسان من يوم صغير مثلا واحد مو ملتزم نشوفه صبور وقوي في اكبر المصايب واحد ملتزم نلقاه ينهار في المصايب ولا يتحمل ولا حتى يتصرف صح بكذا يتضح لي ان تركيبه الانسان الشخصيه هي اللي تحدد قوته وتحمله وصبره ؟ صححوا الملعومه! المرضى اللي نسميهم (مساكين) والصلاه الكثير منهم شفتهم يعرفون كل شي ولا يضيع عليهم شي خاصه الفلوس ما احد يضحك عليهم بها بس اذا جت الصلاه سحبوا عليها ولا يهتمون بها طيب هل يحاسبون مع انهم يفهمون ؟ المحبه القلبيه والعيب الحب والكره من الله والقلوب تحب وتكره ولا هو عيب مثلا لو انعجب في قريبه لي بسبب ما اسمع عنها من اخلاق وكل شي حلو وبعدين افضفض لاحد المقربين بمحبتي لها على طول يقول عيب انت ما تستحي؟ طيب ليه عيب! سلام بعض القريبات بعض القريبات تمر من عند اقربائها اللغير محارم مثل ولد الخال والخاله ولا تسلم حتى لو هي متزوجه وهو متزوج او ما تزوجوا المهم هل سلامهم على بعض حراام مع انها في الاسواق تكلم اللي يسوى واللي ما يسوى وصوتها يملا السوق وتكاسر وتضحك وكل شي مع هذا ما تسلم على قريبها؟ الجن والقرآن معروف ان القرآن يحرق الجن ويموته اقصد اللي يتلبسون في الانسي كيف يحرقه والجني مخلوق من نار وليه الجني ما يتحمل القرآن ؟ وليه بعض الجن ما ينحرقون يظل في الانسان ولا يطلع ولا ينحرق مع ان المقرئين يقرون عليه من سنين؟ الصلاه تنهى عن الفحشاء والمنكر لكن.. كلنا نعرف الايه الكريمه اللي تذكر بمعنى الآيه ان الصلاه تنهى عن الفحشاء والمنكر والحمدلله مؤمنين بها بس لو فكرنا بحال بعض المصلين نلقاهم يوميا يصلون جماعه بس ما تنهاههم صلاتهم لا عن فحشاء ولامنكر وش السبب؟؟ الاسلام قوة كلنا مسلمين ونتبع هدي القرآن وتعالميه ومفروض نكون اقوى الشعوب ومناره مضئيه لهم بس الواقع يقول ان الشعوب الاسلاميه مستضعفين في البلاد وشعوب الارض ترى فيهم الارهاب والعنف والتخلف وانهم عالم ثالث ليش هذا وضعنا مع اننا مسلمين ؟ تطبيق الشرع بالسعوديه كثير افكر هل حنا نطبق الشرع او بعضه مثلا السارق يسرق وما تقطع يده وكل يوم نسمع عن القبض على سحره ولا يقتلون ولا نشوف جلد لسكارى ولا يطبق حكم الرجم وفيه شي ثاني افكر فيه وهو تناقض مثلا الهيئه بالسعوديه توقف المتبرجه والسافره والمختلطه بالرجال وفيه ممثلات سعوديات ومغنيات ومذيعات سافرات وكل شيء ولا احد يعاقبهن ولا يقولهن شي.... مع كل هذا هل نعتبر نطيق الشرع او بعض الشرع ؟ هي مجرد افكار تجي في بالي وجزى الله خير من جاوب عليها او على بعضها... والف شكر لزوار الموضوع و المتفاعلين معه وعوافي عليكم ... |
|
| الإشارات المرجعية |
|
|
النمط الأحادي