[بريداوي متحمس]

نبذه مختصره عن المجلس البلدى السابق !!

مابيدهم شي كله بيد الامانه ؟ يعنى وشوله نصوة لهم !

( لو كان الامر صحيح كان يتم توضيح ادوار المرشحين من ناحية الامانه قبل ترشيحهم !

بوجهة نظرى القصيره حسب قربى لهم ومراجعتي في بعض المواضيع اللتي تهم المنطقه مثل اعزكم الله ( مشروع الطمر السابق ) والحالى !! وكذلك مشروع وضع الصرف الصحي في وادي الرمه ابتدائا من المنطقه وباقي المحافظات التابعه للمنطقه اللذى سببت ازعاج لبعض القطاعات والدوله .

والشوارع المتهالكه وتصريف السيول وبعض تعثر الطرق داخل المدينه .

فوالله هذا اللى حصل معى بالعباره الصحيحه يقولون مالنا سنع الامر كله بيد الامانه حنا نكتب ونتلقى شكوايكم واقتراحاتكم ومايهم البلد وكله مايحتاجه المواطن بس( الامانه) كل شي ؟

فمادام هذا الامر ليش يتم التصويت سد فراغ !!!

وانا اجزم ان كل واحد منهم مقتنع بذلك .

اذا كانوا يريدون ان نصوت لهم يظعون لنا ماهي تخصصاتهم في الشوارع او مع اعلاناتهم او في منشورات توزع على المواطنين من اجل الفائده ومعرفة مايخصهم من ناحية التنفيذ وغيره ( يعنى هل لهم امر بالمشاريع مباشر ) هذا اللى يهمنا بالدرجه الاولى لان بريده فيه مشاريع بس بدون تنفيذ ولادخلة لبريده من اى جهه كانك داخل مدخل صحراوى بكل صراحه . وإلا كيف الان الامانه تسمح لمقاول نقل صهاريج المياه الوسخه اعزكم الله بوضعها الان في شرق بريده على طريق الاسياح بعد كبرى الفروسيه ومن ارد ان يرى يخرج بعدسته ويصور كل شي يجرى هناك بجوارها مخططات ومنتجعات ومنتزهات .هل تصدقون انه وصل الامر الى تفريغ المياه الوسخه اعزكم الله في الحفره اللتي وضعت من اجل تجمع الامطار شمال مصلى العيد الشمالي من قبل الشركه المتعهده ؟ وعندى صور لما ذكرته وبعض مادار بيني وبين السائق ومعاونه وهم من الاجانب واذا طلب منى تنزيل الصوره ستوضح كل ماذكرته .

وسبق ان كتب عن مكب النفيات الجديد بهذا المنتدى من احد المشرفين . ولم يحرك شي حتي الان !! والله بالخاطر شي كثر. بس اكتفي بما كتبت

وشكرا للجميع .