[فيروز]

مرثية في وفاة الشيخ فهد العودة

[poem="type=1 font="bold medium tahoma, verdana, arial, helvetica, sans-serif""]حجيت بيت الله وبالبيت لبيت
وكان الوعد عقب الجمار المنية
وخلف المقام بتالي الحج صليت
وطلبت ربك بثبات/ن ونيه
يابو محمد في مصابك تاذيت
بلية ياكبرها من بليه
مريت بيتك يارفيقي وعزيت
القلب ضايق والخوافي ردية
وفتحت بابك يانديمي وسميت
وبديت اباد بالعزاء والتحية
منكسن راسي ولاظن حسيت
تقول مسجون/ن وعنده قضيه
ياقلب وش بك في غيابه تأذيت؟!
أدري بأنك مغليه او خويه
رد بزعل وقال لي وش سويت
هذا فهد حبيت لأجله سميه
هذا الذي لاشفت زوله تهنيت
ودايم يطالعني بعين/ن رضيه
امسك يمينه وبسطه لاتقهويت
وله بسمة/ن في ظاهر الوجه حيه
منيّتك جت لك مثل ماتمنيت
طفت الوداع ولاعقب ذيك جيه
جبار ما يوم/ن بعلة تشكيت
حجاج طلق ويشرق الوجه ضيه
مرحوم ياللي بالطاهره تربيت
ماشفت في طيبة القلب زيه
بالقلب لك قيمة وبالنفس لك صيت
وجروحنا من فقدك اليوم نيه
رحت لكريم وما اعدك انا ميت
لكن غيابك حط بالقلب كيه[/poem]

رحمك الله يا ابامحمد



سليمان الخويلد