[امير بكلمتي وهيبتي]

السلام عليكم..
تسيف الحال
ان شاء الله انكم تكوونون بخـير
هذي مصطلحات من حتسي القصمـان..
وطبعا اكيـد اغلبية القصمـان يقوولونه


الدْبكَه: الركض الشديد والعمل بسرعه.. مثلا فلان مدبك لان عنده العزيمه اليوم

المشفوح: اللي يموووت على البلع واذا شافه تقل ماعمره اكل.. 

الجغمه: الشربه مره من الماء أواللبن وغيره مثلا واحد يقول لاخوه عطن بيبسي بس ابي اشرب جغمه 

الحزّه: الوقت مثلا هالحزه فيه احد صاحي !!

الطّمل : مو نظيف مثلا انكب العصير على اخوي وقلت له يالطمـل (( يعني يالـوسـخ ))

يتطنز : مأخوذه من كلمة (طنازه ) يعني يستهزي 
 
بوه : كلمة مشهورة عند القصمان وتعني موجود او فيه مثلا يجي احد يقول لك محمد وين هو بوه..
يعني محمد وين موجوود؟؟

يوويق : مكونه من كلمتين (يو)و (ويق) وتنطق مره وحده 
وتعني قااعد يناظرنا يعني مثلا  اذا واحد قعد يناظرهم مع الدريشه او من السطح :ويقولون : اللي ما يستحي يوويق علينا من الدريشه 


واخيـرا..:
نقولكم ادوات التمني عند القصمان << يعني ( ليت ولعل وطقتها ) 

غديه : تعني ليته : طبعن هالكمله تثير الشفقه والرحمه عند القصمان 
لانه الواحد يقولها اذا كان محتاج لحاجه 
مثال : واحد يبي سلف فلوس وجاء في باله واحد من اقرباه او اخوياه.. 
راح يقول في باله : غديه يسلفن / يعني ياليته يسلفن 

 
نعطيكم معنى الكلمه هذي 
كوده : بضم حرف الگاف والدال وتعني : ليته زي اللي قبل :  
---- 
مثل واحد سوا عزيمه وعزم نااس وااجد وقاله اخوه لاتنسى ابوسليمان 
اعزمه لايزعل 
:طبعن راح يقول : كوده يجي للعزيمه / يعني ليته يجي للعزيمه 



اتمنـى تـكوون اعجـبتكم..
واذا فيه كلمـات جديـده للقصـمان عطـوونـا
تحــــــــيــــــــاتــــــــي