[مدحت شوقي بريده]

هلا بالشباااااااااااااااب ..
ياربعي ياهلي ياتااااااااج راسي ياقرة عيني ..

تعرفون بعض البزارين نشبه ..
ولا ودك يسأل .. لأنه أحياناً يحرجك .. وتدري انك دبشة ولا عندك سالفه ..

وهذا بزر قاعد عند ابوه بالمزرعه ..
وشاف ابوه يقود البقرة يبي يوديه عند البئر ..

قام وقال لأبوه :
يبه : هالحين من اللي يشتغل عند الثاني ..
انت تشتغل عند البقره .. والا البقرة تشتغل عندك ..

قالوه ابوه : انثبر بس فيه احد يشتغل عند البقرة ..
ياثور هي اللي تشتغل عندي ..

قال البزر: طيب يبه .. ابسألك ..
هالحين تبي تودي البقرة علشان تطلع المويه ..

قال الأب : نعم يابني ..

قال الأبن واذا طلعت المويه وش تسوي به ..

قال الأب اسقي به الزرع ..

قال الولد ..
طيب وش زارع بالأرض انت ..

قال الأبو :
ياوليدي والله انك نشبه .. ماتشوف يادبشه عساك العمى ..
زارعين برسيم ..

قال الولد :
طيب يبه .. وش تسوي بالبرسيم ..

قال الأبو :
انت ماعليك شرهه لأنك طالعن على خوالك ..
يادبشة اذا طلع البرسيم .. نحصده ونعطيه البقرة ..

قال الولد ..
يعني انت تسقي الزرع وتحصده وبعدين تعطيه البقرة ..
يعني انت يايبه ( كمثل الحمار يحمل اسفارا ) ماهنا فايدة ..
يعني تكرف طول اليوم لهالبقرة ..

يعني انت اللي تشتغل عنده ..

وناااااااااااااااااااااااااااااااااسه ..