[ام الوريدات]

إلى كل من يقرأ هذا ( التعليق ) سؤال :
الدراسات العليا لماذا أغلب جامعاتنا تربطها بهذا الشرط :
1- أن لايكون فترة التخرج قبل العام( وخذ عاد من هالإقتراحات اللي يقول 3 أو 4أو 5 سنوات )
2- أن لايكون قد تجاوز العمر ( 35 سنه )

وجامعة في إستراليا تكرم سبعيني لحصوله على وثيقة التخرج ( عجيب والله ) .
إن جيت لـ ( حافز 35 سنه ) ( جدارة 35 سنه ) ( الخدمة المدنية 35 سنه ) ( تمويل مشاريع 35 سنه ) ( الموارد البشرية 35 سنه ) ( وظائف القطاع الخاص 35 سنه ) .
وش قصة 35 سنه مع جميع قطاعاتنا ز والمشكلة اللي يرأس هاللجان أحيانا صاك عمره ( 50 و60 سنه)
مايدري ( الويندوز هو بسكوت وإلا كليجا ) إلى ذالحين .

وش سالفة الـ 35 سنه ؟ والله ماأدري .

وأجمل مافي جامعة القصيم اللي هي جامعة الإمام سابقا إننا إستلمنا وثائق التخرج من يد :
1- الشيخ بن عثيمين الله يرحمه
2- صاحب السمو الملكي الأمير فيصل بن بندر أمير المنطقة .
هذه أجمل ذكرى عشتها في هذه الجامعة . وغيره مرض وهم وغم من عميدها إلى ماتآصل بوفيه وزارة النقل اللي بالمواقف .

ولاينسى ( السعوي ) إنه مثل ماهو دكتور ترى المسأله بسيطة لاتعقد الشباب بالقبول ترى لقب ( د)
عادي جدا . حضور محاضرات وموضوع يبحث فيه ( وإعطس ويرحمك الله ) هذا الموضوع .
صجيتوا روسنا بمسألة وقت التخرج والعمر ياأخي لو الواحد عمره 80 سنه خللوه يكمل على الأقل يذبح الفراغ بالدراسة ولاتخافون مايبي منكم وظائف يبي يدرس . وإذا على كلمة ( والله مافيه مقاعد ) عادي مكتبة جرير وإلا العبيكان وإلا الجريسي ويشري كرسي ويجيبه لكم وهذا مقعد .

عندنا أمور كلها ملخبطه ماندري الشباب هم اللي على حق وإلا المسؤولين هم اللي على حق ؟

على العموم اللي عمره أو عمرها صك الـ 35 سنه له شي وإلا ينتظر الـ 45 سنه والوعد دار المسنين . فرصه والله مكآفأه ونوم وفطور وغدا وعشاء وبرامج ووناسه إلى أن يقولون الله يرحمه .

أول مره أشوف جامعة تحط مكتبة تبيع ملخصات بالجامعة ولاتشجع الطلاب دخول مكتبتها للبحث والقراءه . مقرر 300 صفحة بالتعليم الجامعي بقدرة قادر يصير 35 إلى 40 صفحه الحقيقة تعليم .

في الأخير :
ماأقول إلا : حسايف راح العمر
الكثير معاك حسايف راح العمر
الله يسخر لنا القلوب القاسيه والعبيد العاصيه بعزته وقدرته انه على كل شئ قدير