[المتفائل الرزين]

هلا بالحلوين ,,, او مهب الحروه ..
الصراحه ياأنا دبشه ماأعرف احط مدخل للسالفه
لكن الزبده ومابه يالحبايب ..
ان مرات من المره انا واخوياي كشتنا على سيارتي وسيارة واحد منهم ..
مالكم بالطويله ..
المهم طعسنا وكشتنا وكيفنا .. يوم اظلمت العين (يقالي طير) يعني غابت الشمس..
بدينا نجمع اغراضنا نبي نودع الكشته
المهم به واحد من العيال مبطي ابي حلقه
هو رجال متعافي وراعي مقالب .. انا مشغل سيارتي تحتمي وشفته راح اخذ جركل ..
وعباه ماء طبعا يبي يروح ينزل الركاب بالعربي يقضي الحاجه ..
طبعا ماانتبه له الا انا ... (والله من الشر)

يوم شفته جلس ورى الشجره يبي يقضي احح احح .. الله يكرمكم ..
وتنطلق الجياد على بركة الله .. على طول نقزت للسياره ورجلي وصلت للرديتر ..
وتصير السالفه
المهم واقطع عليه السالفه وادحى وجهه انواع التراب بالغماره ..
انا طاح اللي بقلبي عليه
لكن الزبده ههه يوم وقفت عن مقعدنا جاء لمي يطق القزازه وهو حممممق
وانا مقفلن علي الباب واناظره واضحك
عاد يوم شفته هدى شوي طبعا انا من يوم اروح لمه وانا داري انه يبي يعلكن ..
لكن قلت الى متى الخوف والخور ياهذا ..
رحت لمه طبعن ابيه يعلكن على شان تقضي السالفه ..
اثره الله يدفع البلا نار الله الموقده مسكن هاك المسكه وتلن من عند العلباة
وحط وجهي بالارض والجوو برررررد
ومير يدحى ظهري تراب ويجيب الجركل ويكب على التراب اللي بين الفنيله وظهري احيييييه
والله ياهي جميييده ...
طبعن برد الرجال ..
والله يانا بقلبي عليه بس عاد مهب بالحيل حق المزح يعني ..
يوم شفته غفل واجيب الجركل ووغغغغ على ظهره انا احس ان امه داعيتن عليه هاك اليوم..

طبعا جان لي كم رفسه وجلده .. لكن ابقولكم ترى الرجال من اعز اخوياي لكن كل شي له ضريبه..

عاد خويانا ميتين ضحك واثرهم مصورين الدعوى ..
طبعن فضيلتي سح الثوب والفنيله ولم يبقى علي الا الجزء الاسف يارب سترك وغطون بفروه
وقلت لرفيقي وتك معي على باب يمين ولا كن شي صار ولله الحمد ..

آآآآآآآآآآآآآآسف على التطويل بس حبيت اشارك الشباب وادري اني بثر لكن قلت عساي اقدر اوسع صدوركم