[O X Y G E N]

اقتباس أولاً ما شفنا شي بمطعم بالصفراء ((يعني الرجال يقولك أن المطعم بالصفراء ماشفت عنده عيال))

ومنهو الي جاب طاري مطعم بالصفراء !!!!!!!!! خلاص يعني راح لمطعم لازم يصير فيه ولا ينكر الموضوع ؟

وش تقولون انتم .. يعني الموضوع واضح مكتوب ( بعض المطاعم يمكن مو بالصفراء بحي ثاني ؟ ) ماقلنا كل المطاعم الي موجودة ببريدة ولا حددنا أي مطعم من الأساس ياليت شوي تركيز ..

اقتباس ثانياً هذي عادة عند الشوام يعملون أبنائهم معهم أنه بالترجمه ---(( هو ما أنكر أنهم يعملون أبنائهم هو يقولك إنها عادة عندهم وهنا الإنكار بقوله ما شفنا شي بمطعم هو إنكار للمطعم ذاته وليس للعادة))

أما يعلمونهم الترجمة .. ليش قالو لك في سويسرا .. ترى اللغة العربية واضحه .. الحاجة الثانية هذا يعتبر مخالفة لأنظمة وقوانين بلدك .. يعني أنت لو تروح تكتب موضوع في قسم [ عالم أ نثى ] .. وجاك ديليت .. هل تبي تقولهم أني أحاول اخذ بروفا كيف أتعامل مع الجنس الناعم خصوصا وأني ابتزوج ؟

ياعزيزي النظام نظام يبي يتعلم يروح يتعلم في بلدهم ماهو هنا .. وقدام الزباين .. أبوه الي جاي على كفالة والي معه تصريح .. البزر ماله أي دخل الا يقعد ببيتهم ولايتعدى ..

أخيراً .. تجيب لي صغير عمره 15 وتخليه على الطاولة يستقبل وقدام شباب ومثل ماقالو الأخوان الي فوق .. مالها الا ( لجذب بعض الزبائن ) بطريقتهم الخاصة .. وهالحركات قديمة ومفهومة ..

اقتباس ثالثاً يجعلونهم يعملون ويتعلمون المرجلة والعمل التجاري ويستغلون أوقاتهم بالترجمة (( يتعلمون البيع والشراء على الزبائن الذي منهم رجااااااااااااال والكثير منهم غير ذلك إلا من رحم ربي ))

يعملون !!!!!!! .. وين التصريح الي يخليك تجيب طفل عمره 15 سنة وتخليه يشتغل بمحلات يرتادونها نم الشارع وليس عليها رقابة بل أن بعضها يعملون تحت اصوات الموسيقى ؟

بعدين وش المرجلة محل حلاقة تجي تسوي كريمات للوجه وتلمس وجهه وتحط له مكياج وكم ضحكة واحاسبك ويمكن اخذ رقم جوالك عشان اضبط نفسي بالموعد الثاني .. هذي المرجلة بنظرك أنت وخويك ههه

اقتباس وياخي هو صادق شف الرجال اللي تقول عنهم شفهم حاطين قصة كأنه بنيه الله يخلف على أهله ولابس لبس خكاريه وحاط بوجهه كريمات وناصب لي الهايلوكس وقاعد يلمع بكفرات ودوران إلى آخر الفجر وتفحيط ....... إلخ

أنا ماقلت عن أحد رجال .... لاتقولني شي ماقلته .. ومستحيل أحكم على مجتمع مختلف ..

نعم يوجد عندنا نفس هالحالات ولكن يبقى هذا الوطن هو وطنهم ويتم مناصحتهم وانتقادهم بطريقة أو بأخرى ولايمكن أن نطردهم .. يعني لو مسكت مدمن مخدرات سعودي ولا أجنبي وش تسوي بهالحالة .. من الطبيعي راح تعالجه لأن هذا بلده ولكن الأجنبي راح تسفره هذا اذا ماطبقت الشرع فيه ..

فخلي شوي عندك غيرة أنت وخويك وحاول تحس أنك بوطن تملكه أنت لاتجعل شريك لك فيه ..

نقرب الفكرة شوي ههه .. الحين لو يجي ولد عمك ويجلس يتدخل في شؤون بيتكم .. ماراح تقوله وش دخلك ؟ وهو ولد عمك ..

باختصار .. ياغريب كن أديب ..

مابقى الا يقارنوننا بالأجانب ..