 |
|
|
|
|
19-12-2005, 02:21 AM
|
#1 |
|
عـضـو
تاريخ التسجيل: Sep 2001
البلد: حولك
المشاركات: 7,887
|
-*-*-*-(( أنـــــا و المـــشــــق [ مأساة القرن العشرين ! ] ))-*-*-*-
بسم الله الرحمن الرحيم ..
السلام عليكم ورحمة الله وبركاته ،، حيا الله الزكرت ،، حيا الله المهبل .. <=== تحيا و تدوووووم .. البرد .. و الشتاء .. و الهواء الطلق .. و بشرتي الجـــــــــــافة .. هذي أركان أصعب معادلة تمر عليّ في حياتي .. إذا أدخلنا هالمعطيات ذولي مع بعض يطلع الناتج ( مشق ) .. المشق وااااااااااااااااوك .. وكهري له بعد .. بس وش نسوي على قولتهم ( حمود هو حمود ) .. يعني تدهن بفازلين .. و لا تربص عمرك 300 ساعة بماء حار .. هي هي ممشق ممشق .. الله لا يعوق بشر .. إلى درجة إني ما أغسل أو أتوضاء بماء حار كلش بارد على شان ما امشق .. لكن هي هي ،، ما في أمل .. ما عليش لا تحاول .. مثل ما قلنا من شوي ( حمود هو حمود ) .. <==== و الله لو يلبس كرفته .. أما بعد .. ههههههههههههههههههههههههههههه هههههههههههههههههههههههههههههه وشي أما بعد ؟؟ الصراحة إن الي قبله خوش مقدمه .. ما علينا ،، أما بعد يعني أما بعد .. فيه أحد الشباب كل ما سلّم علي و وضع يمينه على يميني جاب إيده الثانية .. و مد أصبعه يتحسس الجلد ،، و يقول أممممم اليوم متدهن صح <===== إيه صح و بعض المرات يقول : اليوم ما تدهنت .. و بعض المرات : وجع وش هالحرشه ذي ؟؟؟ هذي يد و لا خيشه <=== ينكت لا ألفعه .. أحيانا ً يقول لي : خير إن شاء الله ؟؟؟؟ شكلك متحكك بجدار جرنيت .. !! ففكرت بإيجاد حل لهالمقرود الي ما عنده شغل إلا يقيس مستوى النعومة في بشرتي .. !! قلت هين يا أبو فلان إن ما خليتك تثولث على نعومة إيدي منب ابو محمد .. دق علي ّ مره قال لي أبا أسير عليك عاااااااااشت أيامه ،، و الله يا أنا مولم له أكبر مفاجأة بالشرق الأوسط .. قلت حياك الله .. الرجال يدق علي بالجوال : السلام عليكم إفتح أنا عند الباب أنا : اصبرررررررر شوي و أفتح لك بس أخلص الشغل الي بيدي .. أنا على طول للفازلين و أتدهن و أتدهن إلى الجبهه بدت تبلص تقل قزاز ة.. و على طول لم باب الشااااااااااااااارع ورررررررررررررررررررررررر .. طق طق .. <=== صوت الباب و انا أفتح لللبليه .. أول ما طلعت إيدي أبا أسلم <==== هين مهب كله جود بالتسليم خابرينك يا أبو محمد .. الرجال كالعادة سلم و جاب إيده اليسرى عساه بثم ذيب إن شاء الله و قال لي .. أيوووه أنا من زمان أدور مسن للسكاكين ،، ما شاء الله ،، ممكن تعطينا إيدك نسن ّ سكاكيننا .. إحباط صح ؟؟ قايل لكم حمود هو حمود .. و الله لو يلبس جنز مخصر .. طرأت علي فكرة ،، يا ولد ،، ما بدهااااااااش اليوم و لا بعده .. دخلت الحمام أبا أتحمم و أربص بالماء الدافي إلين عرعرن أصابعي .. طلعن تقل وجه عجوز حسرانه .. و أتلفت و اتلفت بالحمام يا ولد مهب معقوله لا زم نلقا حل .. للمشكله .. و أشوف أكا الحصاة حقتي حقت التسوف ياهلا بيييييييييييك .. الحين خويي يبي ياكل تبن من قوة إني أبا أطلع ناعم .. نيهاهاهاهاهاههاههاي <=== كلمة تقال عند الفوز  بسم الله نبداء مسرحية الفرك و الفيرك .. بديت بالرجلين و أعض على البرطم و أمحض و ااااااااااااسك و اااااااااااسكينهن .. إلين طلعن رجلين تقل خد بنت <=== = أقول ترفق .. بس الله يصلح .. ====> سم طال عمرك و بعد ما خلصت من الرجلين و الأكعب <=== أدوخ على اللغة العربية .. أجل أكعب ههاهاهاهاه ياحليلك .. أقول أخلص .. فيه ناس تقراء كمل .. <=== طيب لا تنفخ .. و بعد ما خلصت من الرجلين ،، أشوف البليه الي هي إيديني .. لازم نلقى حل مهب حاله ،، هذي أبد . . أبد .. قلت يا ولد داوها بالتي كانت هي الداء ُ <=== أدري ما له دخل بس عن قولة إنه ما به استشهادات شعرية .. و أخذ الحصاة باليد اليمنى ،، و أفرك بكل ما أوتيت من قوّه على ظهر يدي اليسرى و أنا أفرك أتخيل شكل خويي .. و أقول و الله ما شفت من حرشه تبي تشوف حرير يتناااااااثر ... و أفرك .. و أفرك .. لمين قلت قيييييييييييق .. أووووهههه .. <=== نفس عميق بعد نجاح العملية الأولى .. فترة إسترخاء ثم العودة على البدء بالعملية الثانية .. و أفرك اليد الأخرى بنفس ما فركت اليد الأولى .. الحمد لله .. ألمس إيدي الآن ناعمة كالحرير .. خلا ص قم .. قضينا سابحين .. المرحلة الأخيرة هي : أنحر الفازلين و تمرطغ به تمرطغ .. خله يطلع مع أذانك ،، هههههههههههههههه و بعد ما خلصت نزلت للوالده .. يماااااااااااااااااهـ.. يماااااااااااااااااااااااااهــ .. يوووهـ . . شوف إيديني .. . . . . . . . . الوالده وجع وراهن تسذا و راهـ إيدينك حُمر .. وش أنت مسوي ؟؟؟؟ أنا بإبتسامة عريضة : فركتهن بالحصاة الي فوق <=== مبسوط هو وراسه .. الوالده : الله يخلف الحصاة ذيك للرجلين .. و بعدين وراه الجلد متزلط ، فك الله العظم ما تسحل .. هههههههههههههههههههه و بعد ما نشف الماء .. تبين أن الجزء الي فركته بالحصاة تزلط و إنقلب لجروح .. و الإجزاء الي ما فركته بالحصاة لاتزل ممشقة حتى الآن .. أخيرا .. حمود هو حمود حتى لو تدهن ..
__________________
.
 . آخر من قام بالتعديل المستشار; بتاريخ 19-12-2005 الساعة 02:26 AM. السبب: مهب شغلك |
|
|
| الإشارات المرجعية |
|
|
النمط الأحادي