[O X Y G E N]

اقتباس ولا وقبل كل شي .. اشكرك على الرد الطويل .. والحمد لله يبدوا ان المقال استنفر .. كل طاقتك في الرد .. واخرج كل ما عندك ... وهذا بحد ذاته نقطه ايجابيه

أيه لا أبشر حاضرين بالمقالات .. الي يشوفك يقول موضوعك سطرين .. واما من ناحية الطاقة اذا استنفترها فيها ريدبول .. واذا اخرج كل ماعندي .. تبي الصدز .. باقي بعد ..

اقتباس شوف يا حبيبي .. الانسان واجب عليه امرين .. ان يصلح نفسه ويسعي في الاجتهاد في اصلاح غيره

ماني أصغر عيالك تعلمن الواجب والي مهب واجب .. أما أصلاح الآخرين فنعم ولكن حضرتك تحب تحضر على العالم وكأنك نسخة تقليدية من برنامج ( خواطر ) سويت وحطيت وكذا المفروض .. ولاتقبل بالنقد .. ثمن على الأقل الشقيري معرف بنفسه وعندنا خلفيه عن سيرته .. أما أنت يوزر نيم واسمعوني أنا الصح ههه

اقتباس وليس عندنا شي اسمه حريه شخصيه او كلن يحتفل على راحته

أيه لاصار الإحتفال بمقلط بيتكم .. الناس احتفلت وخلصت وسوت الي تبي وانت باقي تقول ماعندنا ههه

اقتباس الكلام يمشي عند (( الخواجات )) الغربيين .. ما يمشي على (( المسلمين )) ويبدوا انك اخذت مفاهيم ومبادي غربيه .. وتريد ان تطبقها في الساحه الاسلاميه والعربيه ودون ذالك (( خرط القتاد ))

وهل ياولد الزنقب أنت الوحيد ( الي مسلم ) والباقين ( يهود ) .. وبعدين من سمح لك تصنف العالم وكأنك ( أبوالعريف ) هذا عنده مبادئ غريبة وهذي رقصة مصرية .. مدري أحس شوي وتسحب الجنسية بعد هه

ثم وشفيهم الغرب .. عندهم مبادئ ونظام ماهو عندك هنا .. يكفي فكرة المنتدى الي أنت كل شوي تنزل موضوع فيه فكرة غربية ، ويكفي جوالك صناعة غربية وموترك الي بكل عاير صناعة يهودية .. ههه ولاتجلس تقارنا بالأنظمة الغربية .. مع العلم اني عارف تفكيرك نظام ( المندفعين ) لو تناقشه عند علبة موية دخل الإسلام وجلس يذكر لك أدلة مالها دخل بأم السالفة ..

اقتباس ونحن نقول ان ثمانين بالمائه من الناس عاديون لم يظهرو (( الهجوله )) ولم يرفعوا

أقعد يازغبي .. وش هالدقة هذي .. أجل ثمانين بالمية .. والله مستغرب ليش جالسين كم سنة عشان التعداد السكاني وشرايك تاخذ لك فرة بالسعودية أسبوع وتعدهم ..

وبعدين وش هالنسب الي غيرت أسلوبك مية وثمانين درجة .. الي يشوف موضوعك وانت توصفهم .. يقول مابه غيرك العاقل ..

أفا نسينا الراقصات ونسينا المصورات ونسينا الي مايستحون يجيبون حريمهم ونسينا المياعه ..

اقتباس وثمانية عشر بالمائه هم من يرفع الاعلام ويسمع الاغاني

هههههههههه دامك حكمت على ثمانين بالمية وباقي الثمان طعش .. اجل ماعلي شرهه يوم تحكم علي وأنا واحد .. لأني مادري أحس لو نعطيك مجال بالحكم والنسب راح تعطينا نسبة الي لابسات عبايات كتف وعبايات راس ..

اقتباس ووظفيه الاحتساب وظيفه الله شرعها .. فلا يمكن لاي بشر مهما بغلت منزلته ان يمنع الناس منها .. وهي وظفيه عامه لكل الامه وليست محصوره بأشخاص فقط لان رسولنا يقول (( من رأي منكم منكرا فليغره بيده )) وهذا خطاب لكل الامه

ايه لا مانبي لك احتساب .. اقعد في بيتكم الله يسلمك .. واحتسب بالمواضيع فقط .. اولا لانت مسؤول مخصصتك الدولة تحتسب ( فيه رجال يحاسبون عند الخطأ ولهم طرقهم الخاصة وهم المسؤولين من الهيئة وجميع القطاعات الأمنية )..

وبعد الرسول اللهم صلي وسلم عليه .. قال : ((من أطاعني فقد أطاع الله ومن يعصني فقد عصا الله ومن يطع أميري فقد أطاعني ومن يعص أميري فقد عصاني )) رواه مسلم

وأنت جالس تتدخل في شؤون أمنية علماً أن رئيس الهيئة الي مكلف من الدولة والأمراء حذر من التدخل في هالأعمال لانها تستغل من ضعاف النفوس ، بعد أنت معرض للشهوة فوقتها من راح يحاسبك .. أو انت ضامن نفسك هه بعد شكلك ضامن نفسك لأنه ماشاء الله عليك بنظرك ( ماتغلط ) ..

اقتباس واياك ان تقيس الناس على (( نفسك )) الشريفه .. فانت ليست مقياس الكون حين قلت ان اخذت الدايري وذهبت عن الزحمه ... ونحن ذهبنا للزحمه من اجل النصيحه والانكار .. ولكل وجهة هو موليها .. ولكل انسان توجهه في الحياه

هههههههههههه أرحمني ياشيخ .. جالس يستفرد عضلاته أني أنا الشجاع وأنت انحشت مع الدائري .. أيه مع الدائري أروح لبيتنا يالله لك الحمد .. وشوله اروح أوايدز بوجيه الحريم مثلك هذي تصور وهذا يرقص مصرية وهذا هندي .. الدعوى تبي سياسة وحكمة وعقل وليس هياط ..

..

على فكرة ترى ملاحظ عليك مبسوط عقب بعض الردود الي مندفعين طبعا.. ويطبلون .. ومعظمهم نظام .. امدحني بموضوعي وأمدحك بموضوعك ..

سواءاً قلت أو قال فلان وعلان .. لم ولن أتنازل عن ارائي حتى لو أجتمعوا امامي ومن حولي لأني على يقين أنه بإمكان ايقاف هذا اليوم بقرار واحد ولكن هنالك أهداف على المدى الطويل ولايفقهها الكثير ..

على فكرة يقولون دخلت النخيل صدق هالكلام .. لاوبعد بلحالك .. ماشاء الله طيب تقدر تدخله اليوم العصر بلحالك ؟ أو خلاص بنظرك أنتهت المعاصي < عشان تقتنع أن دخولك كان بمنافذ واستغلال لأيام معينة والزحام وتقتنع أنك تعجز عن القيام بهذه الأعمال بأيام أخرى نظراً لأنها ليست من أختصاصك وأنك معرض للإيقاف ..

أخيراً .. لاتحاول يافتى الزنقب أن تتحدث عن الأنظمة الغربية لأنك ستظل لسنوات تجهلها خصوصاً وأني مشطت أراضيها وعلى علم تام بأسرارها .. يكفي الأمريكي الي أكتشف لحوم الخنازير بالطائرات السعودية وكتب ملاحظة عليها لأنه يحترم الأنظمة مع أن حياته مع الخنازير صورة مع التحية للخبر في صحيفة سبق بالرابط التالي .. بس عشان نعطيك نبذة عن احترام النظام والدولة الي موجود فيها :

http://sabq.org/Ijofde


وأنت انظمتك ماتطبقها الا بأوقات الزحمة ( بالخش والدس ) وياليت تعطينا محاضرة عن حصيلة الزنقب خلال السنوات الماضية وعن ماذا قدمت لها ..