 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
21-12-2012, 01:54 AM
|
#1 |
|
عـضـو
تاريخ التسجيل: Mar 2010
البلد: In My heart
المشاركات: 69
|
في محطة دينهاخ باتجاه امستردام سنتروم
بسم الله الرحمن الرحيم
باقي تقريبا ساعه على وصولي للمطار وأنا في القطار راجع لبريده حبيبت قلبي فتحت منتدى بريدة اشوف وش صار على بريدة لاني والله حنيت لها وأهلها .. ابدخل بالموضوع على طول .. ودي اقارن اشياء وجدها هنا من دول الغرب المتقدمه واقارنها ببريدة - / الناس هنا مبتسمين دايم ..بشوشين .. اي شخص تقابله تسأله يبتسم بوجهك ..ثقافة الابتسامة احيانا عندنا معدومة مع ان الرسول صلى الله عليه وسلم ذكر فضل الابتسامة في وجه أخيك صدقه .. والله أتمنى كل الناس تعمل بالشي هذا حتى المحلات ... على طاري المحلات دخلت بقالة في هولندا وحصلت فيها تمور بريدة تشققت من الفرحة وضميت التمر على بطنني حسسني انه جزء من بريدة وانا افتخر بالشي هذا لان تمرنا وصل وسط اوروبا ولله الحمد ... الغريب اذا دخلت اي محل يقولون لك صباح الخير واذا جيت تخرج حتى لو ماشريت يقولن لك ... طاب يومك.. بالله كم محل عندنا يطبقون الشي هذا ... اتطرق لموضوع اخر .. في احدى الايام صاحبي مرض وا ذهبت فيه للاسعاف .. تخيلوا بعد الانتهاء من الاجراءات الرسميه يجي لمك الممرض ويسلم عليك ويعرف بأسمه ويستأذنك أنه يكمل الاجراءات معك !!! باللع هذا موجود عندنا ... مازلت مره اذكر أني رحت الاسعاف ببريدة ومن طول الانتضار للدكتور اللي ما أدري وينه والله اني اشويت وانا بالكرسي من طول الانتضار ورجعت للبيت.... ومن الاشياء اللي ودي اذكرها مره من المرات كنت راكب تكسي وكان فيه بالطريف حادث جدا بسيط ومع ذلك التدخل الامني موجود بكثرة لدرجة انهم حاطين شاشاه ممكن 3 متر في 3 متر مرسوم فيها سهم مولع بأتجاه اليمين عشان قائد المركبه من كيلو يمديه يوقف ياعيني.....على الاهتمام وحنا للاسف حادث بن الطريق وماتدري انه حادث الا اذا وصلته أتطرق لموضوع اخر اللي هو الاسلام .. الحمدلله أني ولدت وانا مسلم .. الغرب هنا اذا سمعوا القران قالوا هذي موسيقى هادئه سبحان الله هذا وهم مايعرفون لغة عربية الا ان معجزة القران لاتعرف بلد أو لغة ... من خلال مخالطتي للأجانب أكثر شعب يكره اسرائيل ويمكن اكثر منا هم الاسبانيين هذي اشياء حبيت افضفض فيها لاني فاضي بالقطار لاشغل ولا مشغله وياليت اهالي بريدة يهتمون بالملاحظات اللي فوق .... بريدة كم احبك... بريدة اقسم بالله انك جنة اسيا فديتك انا جاي باذن الله مع السلامه يالربع
__________________
سبحان الله وبحمده سبحان الله العظيم |
|
| الإشارات المرجعية |
|
|
النمط الأحادي