[مدحت شوقي بريده]

هلا بالشباب .. كيفكن اشتئت لكشراتكن ..
<<(((== لاتخلينا يالشيف فوزي ..

الصراااااااااحة الموضوع عن الأم ..
ومن هي الأم ..

امي ربة بيت .. امي ما أحلاااااااها ..
اقول : ياجعلي ادخل الجنة كثر ماسمعت هالنشيدة ..
مابقي الا السوداني حق الأخبار اللي بقناة المجد يقوله ..


...

كم هي مسكينة الأم ..
مع ان الجنة تحت أقدامها .. إلا أن بعض البنااااااات ..
( وووووااك سعلوة يادافع البلى )
تريد أن تٌصير من الأم الهادئة الحنونة .. وحشاً كاسرا ..
بسبب تدخله في علاقاااات امها بأقاربها ..

فكم من اُسر تفرقت .. وعوائل تشتتت ..
وكم من بيوت تهدمت وخربت ..
بسبب بنات او بنت باتت تتحكم في علااقااااااااات امها بأقاربها ..

وكم من امآسي والصور الفظيعة اللتي نسمعها .. أدمت القلوب والأفئدة وقطعت الألباب
قبل أن تُقطع الأرحااااااااام ..


وأسوق اليكم بعض الصور لبعض من مواقف الامهااااات المغلوباااااااات على أمرهن ..
أو اللاتي سلمن رقابهن لعبث بناتهن ..


************
الصورة الأولى
*************

والله هالبنات عجزت عنهن ..
والا والله تقطر تسبدي ودي اجي وأشوفكم ..
مبطية عنكم .. بس وش اسوي بهن ..



************
الصورة الثانية
************

ايه خليهن يلعبن عليتس حريم هالجيرااااان ..
دايم مفحجااااات عندنا بالبيت ... ولاعمرهن قالن لتس تعالي لبيوتهن ..
صار بيتنا استراحة لحريم هالجيران ..
أكلف ماعلى الوحدة تقش حريم الحارة وتجيب كراثه معه ..
وبعضهن تجيب ملوخية الغدا علشان تقفطه عندنا بعد ..
هين أنا اوريك بهن .. واللع لاأخليعن مايطبن علينا مرة ثانيه ..



************
الصورة الثالثة
************

يمه ..
هالحين وزراتس تسكتين لحصة زوجة عمي أحمد ..
يوم تقول لتس ( أيه انتي حبيبة )
كان رديتي عليه .. مهوب تسكتين له ..
خلتس كذا بس .. دايسين هالناس ماهبتس كل وحدة تجي وأتهزاء بتس شوي ..



************
الصورة الرابعة
************

وأنتي يمه ماشاء الله عليتس ..
ماتصدقين يئذن العصر الا طقطقتي نعيلاتس ولقطتي عباتس ودرعنتي للفلاان والا العلاااان ..
ياميمتي لو هم يبونتس دقوا عليتس وقالو تعالي ..
هذاهم علشانهم يبون متي مزنه كل شوي يدقون عليه ..



************
الصور الخامسة
************

عاااااااااد شوفي يمه ..
تبين تروحين لخالتي موضي مع السلاااااااااامة ..
حنا ماحناااااااااب رايحين معك ..
ماغير تجدع الهرج علينا وتناغرنا ..
يعني علشان بناته مبخوتات وحنا مبعد جانا نصيبنا ..




************
الصورة السادسة
************

يمه عساتس تبين تعزمين عمتي نورة لحفلة اختي بدرية ..
لاوالله .. والله ماتطبه .. ولا تقولين له .. خليه تنطق ..
هذه كل يوم تحط عزيمه لحولته وتنادي عماتي كلهن وماعمره يوم عزمتنا ..



************
الصورة السابعة
************

يمه ..
الطق بالعرس نبي نطق .. ونبي نحط زفة وكوشه ..
هذا عرسنا ونبي نفرح بوه ..
واللي مهوب عجبة لايجي ..



************************



لتعلم البنت أن مثل هذة الصور السابقة المؤلمة تعتبر من العقوق الصريح ..
لأن ذلك يدعوا الى قطع الأرحام والا المعاصي والآثام ..
وأم ذلك لايرضي الأمهات ..
وأما رضخوهن واستجابهتن ماهوا الا ارضاء من الأم لبنتها عطفا منها وحنانا ورأفة بها
وتفاديا لوقوع المشاكل او تفاقمها ..

وأعتقد أن العلااااااااااااااااقة بين الأم والبنت يجب ان تعود الى سابقتها ..
تُدير بيتها وشئونها وعلاقاتها بنفسها لا ببنتها ..

( ولاتنسى البنت .. أنها ستكون غداً ام )


***********

بعدين انا ودي ادري ..
وش دور الرجااااااااااال بهالمشكلة ..
الصرااااااااااااحة انه هاجتن بهم .. ماغير مبلبطين بهالاستراحااااااااااات
ومخلين الدرعا ترعى ..
والأم المسكينة بلشتن بهالبنات اللي مطلعات الصرمقع بأمهاتهن ..



فوالله إن المسئولية تقع على الآباء ايضاً ..
فإنهم موقوفون امام الله .. ومسئولون عن هذة الأمانة ..
وكيف عملوا بها وهل كانوا من المحافظين عليها أم لا ..
فكلكم راع .. وكلكم مسئول عن رعيته ..


وسلااااااااااااااام عليكم ..