[مدحت شوقي بريده]

اقتباس المشاركة الأساسية كتبها الوسيــــــم وش هالعيادة اللي جت بالوقت المناسب .. انا يادختور تجين حالات مايعلم به الا الله .. حالات نفسية مستعصية .. وماعليك زود .. . الحالة الأولى : يورالي ( احس ) ان به عنز حولا وحاشي عرج يتهاوشون قدامي .. وانا بما اني مرهف الاحسااااااااااااس .. احس اني ودي ادافع عن العنز .. وامشي طبلوني .. وبعده اصبخ الجدار .. يعني يادختور هل هذي حالة نفسية ام انه طبيعية ؟ علماً ان جبهتي صارت تسنه شارع حي العجيبة كله صعارير .. ومطبات .. . الحالة الثانية : في أيام الشتاء القارس .. وفي ظلمة النهار .. وسطوع الليل .. اشتهي عسكريم .. مع العلم اني متحقرص من البرد .. وفي نفس الوقت .. في أيام الصيف الملتهب .. اشتهي زنجبيل حار .. وألبس فروة .. واشب الضو .. . اكتفي بهذه الحالتين .. مع اعلم انه مازال في جبهتي عفواً جعبتي الكثير والكثير من الحالات .. ويالله من فضلك .. خذ وخل .. ( ابو ابراهيم الحق قبل مايجي المدقق ابو سلمان .. بسرررعه يوجد خطأ إملائي بالعنوان )

هلا بالبي الوسيم ..

هلا بابو عبدالله ..

لاتقول علشانوه يعرفن وقالي هلا ابو عبدالله .. يعني خلاااااااااص مانيب مهبول ..

الا انت مهبول ومتعاااافي الله يكفينا شرك ..

وش اللي عنز وحاااااااشي ..

لايصير تحسبنا فاتحين العياااادة بسوق الغنم يالبي ..

بالنسبة للحالة الأولى ..

يالبي انت عندك مرض نفسي يسمى الرهاااب الاجتماااعي ..

وهو بمعنى ناس مرتهبين ومجتمعين مع بعض ..

لأن هناك رهاااااااب فردي .. وهذا واحد خايف وقاعدن لحالوه ..

والدليل إن عندك رهااااااااب .. انك خايفن ان هالحاشي يحوس هالعنز .. همن يديور عليك ويعلكك ..

لاعليك لاعليك .. العلاااااج بسيط ..

حاول ان تفكر ان العنز هي اللي تبي تحوس الحااااشي ..

همن اذا حاست مريروه وجت لمك العنز .. فأنت تقدر انك ترفع العنز وتمسط به بالأرض ..

وهنا تشعر بالقوة .. ويذهب الرهاب عنك ..

الحالة الثانية ..

ههههههههههههههههه حلوة في ظلمة النهاااااااااااار ..

تقصد ان هاك اليوم غيم او بوه كسوف للشمس ..

يالبي ماتعاني منه هو الوسوس ..

بمعنى انك بالبرد .. وتقول لا .. حنا بالحر .. نعم حنا بالحر ..

وعلشان تأكد اننا بالحر تقوم وتشري عسكريم ..

لكن الشرهمة مهيب عليك الشرهة على أهلك اللي يخلونك تآكل العسكريم ..

والا المفروض يردغونك مع علباتك الين تنقز لوزك من حلقك ..

والا انهم يمصلخونك ويجدعونك بالحوش .. همن تعرف اننا بالبرد ولسنا بالحر ..

يالبي يابو عبدالله .. عليك بالقرأة حتى يذهب عنك الوسواس ..

سلااام يالبي ..