[أبو رياض]

السلام عليكم ورحمة الله وبركاته ..

يا أهلاً وسهلاً بالشباب يالله حييهم ..


الصراحة مادري كيف أبدأ بالموضوع وأمهد له ..

لكن شكلي أبدخل مباشرة ..

أبدأ مع هالحادثة

قبل أشهر عدة يمكن تكون أربع .. خمس .. ست .. أكثر , أقل .

كنت مواعد واحد عند مطعم بالسادة ..
المهم ..
بينما الإحتراء جاري إلتفت يمين إلتفت يسار إلا والله وأشوف ذاك المحل لوحة جديدة وشغل طبعاً المحل حق كمبيوتر ..
قلت خل أروح أشوف وش عنده خصوصاً
إني محتاج حاجات كمبيوتر بينما الطلب يجي >>> قصدي رفيقي الي مواعدني يجي ..
نزلت من السيارة ودخلت المحل
السلام
وعليكم السلام
وأخذنا نتجاذب أطراف الحديث >>>متعوب عليها ذي خل أبرتاح شوي ..:D


المهم قعدت أسئلة عن الكمبيوترات والأجهزة الرجال ماشاء الله عنده علم ..

بعد ماخلصت وشريت بعض الأشياء الي كنت محتاجها ..

ذهبت وخرجت منه ..

وجاء رفيقي الي مواعده وأخذته ومشيت ... قصدي مشينا ..

الحادثه الأولى انتهت
الآن نقف قليلاً مع هذي الحادثه الاخرى ..


قبل كم يوم كنت مواعد واحد نفس الواحد هذاك الي كنت مواعده عند المطعم الي بالسادة

الواحد ذا سبحان الله مايواعدني إلا عند مطاعم ..

المهم خلونا بموضوعنا ..

كنت واقف أطلب ..... قصدي أحتريه>>> كب العشاء


بينما أنا قاعدٍ أنتظره ..

قعدت أناظر المحل الي بجنبه الي كان حق كمبيوتر

راعيه غيره الحين ..

صار حق فــلافــل

المهم بينما أنا كنت أناظر المحل

طلع هندي لابس جاكيت حق المطاعم ..

ناظرته مافي شيء غريب ..:D

لا فيه شيء غريب ..

وشو هالهندي موب غريب عليّ ياناس ..

أنا وين شفته .. أنا وين شفته .. يارب .. أنا وي.. إيه صح تذكرت ..

تذكرون المحل الي مريته قبل اشهر حق الحاسب ..

كان العامل الي يعمل في المطعم ويسوي الفلافل هو نفسه المبرمج الي أنا مريته ..

سبحان الله شكل من شروط المبرمج لا زم يكون طباخ ..


الغريب انه
في نفس المحل ..

بس غير اللوحة

بدل ماهي للكمبيوتر صارت للفلافل ..

والعامل نفسه هو .. هو

والله يستر من بكرا يقلبه حلاق .. وبعده كهربائي .. وبعده خطاط

والعامل نفسه هــو ...هــــو



والله العظيم هذا الي حاصل ..

لا تقولون ماتشوف زين .. ولا حول .. ولاشيء .. الحمدلله 6على 6

هو نفسه .. نفسه .. كنت أشوفه مثل ما أشوف الشاشة قدامي ..

وأنا قاعد أكتب الموضوع ..

فكرت إني أنزل

بس قلت وشلون أبدأ أكلمه كيف أدخل بالموضوع ..

شكلي أبروح
أطلب واحد كيبورد بدون سلطه :D

.. لا لا لا

حاولت إني أجيب حيلة أدخل فيها عليه و
أتأكد منه ... علشان ما تقولون شروووف ولا شيء..

وماهي إلا لحظات حتى وصل الطلب قلت لنفسي
مقابل العيش ولا مقابل الجيش ....


وانتبهوا لبطونكم هالمبرمجين قصدي الطباخيين ..

وخلوكم مثلي أكل بيت بس :D



شكراً لكم ..

أبــو ريــاض