 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
02-05-2006, 06:19 AM
|
#1 |
|
عـضـو
تاريخ التسجيل: Jan 2004
المشاركات: 679
|
تغيرّت موازين العقل فتغيرّت القصة
بسم الله الرحمن الرحيم ..!!
طالع لأحد أسوااااااااق الرياض المعروفه متزين ومتزكرت رايح يقطّع وقت ومنها يترزق الله ...!! دخل السوق ثم بدت عيونه ((ماتقر)) في محلّها هذي يناظرها وهذي يدقق في نوع عبايتها والثالثه يحاول يشوف يدها وهي تحاسب ..!! يدخل في محل الأكسسوارات بس علشان يمكن يصادف وحده رخيصه مثله تعطيه وجه ثم يروح لمحل كل شي بريالين وبعده محل الملااااااااااابس ويطلع من هذي المحلاااااات وماشرى شي لإنه أصلاً داخل السوق مو علشان يتسوق علشان يتصيد ......!! بالصدفه لقى عند الكوشك الي يبيع العصير والفشار وحده قاتله الحياء متزينه متعطره كأنها رايحه عرس مو سوق ...!! شافها ثم بدا يتميلح عندها وهي ماكذبت خبر على طول ضاعت معه مد يده بالرقم وفجأه واحد من وراه يمسكه يلتفت ويشهق ((((الهيئة)))) ...!! كان الي بالهيئة داعيه معروف ومن طلاب العلم ومعه صديق له ويعمل معه ومعهم الخوي رجل الآمن ...!! أخذوه لمقر الهيئة نصحوه وكلموه باللين ذكروه بالله وقالوا له أن الديَن مدفوع بنص حديث الرسول صلى الله عليه وسلم ((من تتبع عورات الناس تتبع الله عورته وكشفه في جوف بيته )) ...!! كتبوا عليه تعهد بإنه مايرجع لمثل هذي الحركات (( لمصلحته وحفاظاً على عرض أهله)) ...!! الولد كان رايق مره وطالع مبسوط ..!! ركب سيارته وتوجه للشقه أول مادخل قابل صديقه محمد وهو ميت من الضحك عليه يقول (( أجل الهيئة تو حاشرينك )) (( شكلك مصفّق أكيد معطينك مخمس على وجهك نسيت أسمك بعده )) ((وجهك يقول أنك قعدت تصيح وتترجاهم يفكونك )) ...!! صاحبنا أستغرب أن صديقه محمد عرف القصه سأله وش دراك يامحمد ؟؟؟ رد محمد تو أبوفهد داق علي يقول أنه شايفك والهيئة جارينك مع وجهك .............!! بعد ساعه أجتمعوا كل الشبااااااااااب في الشقه ...!! صاروا يتريقون وينكتون على صاحبنا ....!! واحد منهم يقول (( كم مره وأنا أعلمك قايل لك أنت وجهك مايآهل أنك تغازل وش لك بالمغازل شف يوم ماطعت كلامي أنواع التشويت جاك من الهيئة )) ... والثاني يقول (( حاط جل بشعرك ومنعم ولابس بدله جديده وفي الآخير تطلع بتعهد )) ......!! صاحبنا ماعاد يتحمّل أنفجر من الغيض ...!! وقال لو أبي أغازل لاهيئة ولاغيرهم قادرين يردوني ...!! لو أبي أرقم أتحداهم يتعرضون لي ..!! لكن ذا المطاوعه الله يلعنهم يتسلطون على الي في حاله.... رايح أباخذ غرض ونا وضعي سليم ومسكوني وماقلت شي لإني ماسويت شي لكن أنتم عارفين حركات الهيئة ولعانتهم أنواع الإمتحان يمتحنونك في نفسك ويغلطون عليك ويحطون فيك عيب وجرم ماهو فيك الله ياخذهم ويفك الناس من شرهم غيري يمشي من عندهم عينك عينك يرقم ومايسوون له شي والي في حاله يجون ويجرجرونه وتعهدات وهواش ومشاكل ....!! بعد كم ساعه تفرقت الشله لإن بكره دوام ...!! من بكره كل واحد راح لدوامه وبدا يذكر قصة صاحبنا بدا يتكلم ويقول الهيئة فيها كذا وكذا والقصه صارت لصديق لي وبدت القصه تنتشر هذا يقول لصديقه والثاني يقول للي معه في المكتب قبل نهاية الدواااااام نصف سكان الرياض يرددون القصه ....!! . . . . (( إذ تلقونه بأَلسنتكم وَتقولون بأَفواهكم ما لَيس لكم به علم وَتحسبونه هينا وهو عند الله عظيم * ولولا إذ سمعتموه قلتم ما يكون لنا أن نتكلم بهذا سبحانك هذا بهتان عظيم))....!!
__________________
|
|
| الإشارات المرجعية |
|
|
النمط الأحادي