بريدة






عـودة للخلف بريدة ستي » بريدة ستي » سـوالـيـف كـشكـولـيـة » *** اسئلة النحو للصف الثالث ثانوي مع الاجوبة ***

سـوالـيـف كـشكـولـيـة الطرائف و الألغاز

 
 
أدوات الموضوع طريقة العرض
قديم(ـة) 30-05-2002, 11:56 PM   #1
بدون اسم
عـضـو
 
تاريخ التسجيل: Jan 2002
البلد: الأخ ناوي يخطب ؟
المشاركات: 130
*** اسئلة النحو للصف الثالث ثانوي مع الاجوبة ***

بسم الله الرحمن الرحيم

في يوم الاربعاء رحت لم الرئاسة او اثره ماتت الله يرحمه
قصدي رحت لم الوزارة والقى اك اللي لابسن شماغ وتنورة ؟؟؟؟؟
وتجي اك الوحدة لابستن شماغ لابلين وعقال مخمل ومشخصة الكوبرا
المهم مالكم بالطوالة ^^^^^^^ الطوالة والا الخرخير خخخخخخخخخخخ
سألت عن الاسئلة قالولي بالتجوري فوق بالدور الثالث وانا اللي انقز لمهن امر يمسكن واحد قال وش تبي قلتله لا سلامك بس انا بثالث دور آآآآآآآ بثالث ثنوي وقلت خل أنسّ لمهم قبل لا اذاكر اشوف هم جازمين على الاختبارات والا هونوا .
ويوم انه راح ولا معي مفك اربع وخمسين وسكين خضرة وملعقة فلفل مطحون
امر ادعس السكين بالباب حق التجوري واجلده بالمفك يوم تناثر ثلاث قطع ^^^^^^ انت يالتجوري
واسرق الاسئلة وهذولي هن :

السؤال الاول :
ضع الكلمات التالية في جمل مفيدة مع التعليل ؟

زيد ^^^^^^ ياحول يازيد كلّن متبليه

غرو :

==================
الاجابة :
زيد : ذَهَبَتْ زيد الى وزارة المعارف
العلة :انه دُمج المؤنث مع المذكر.وقاعدة الدمج تقول: اذا انثت الفعل فلابد من تذكير الفاعل واذا ذكّرْتَ الفعل فلابد من تأنيث الفاعل .
باختصار تُدخِل ( الدمج ) على الجملة .
############

لا غرو انك مهكاكة . ولا يجوز فيها الا هذا الوجه

-------------------------------------------------
السؤال الثاني :
يقول الناظم :
دغيت بهم كلهم.....الرضاعين وأمهم
وكان الاولى ان أهك.....واوردوا جوازا اروح معك

أ- اشرح قول الناظم .
ب- من أي باب هذه الابيات .

===============
الاجابة :
يقول الناظم انه لعب على الاولاد والام وكل اللي لعب عليهم موجودين يوم يلعب عليهم^^^^^^ لاه معقولة
اما البيت الثاني فيقول ان الاولى ان أقول في البيت الاول ( هكيت ) بدلا من ( دغيت )اما الشطر الثاني فقد ورد جوازا قول العرب : اروح معك بحذف حرف الثقل اختصارا إذ الاصل : ابروح معك .

ب- هذه الابيات من باب ( هكّ وأخواتها )

-----------------------------------------------
السؤال الثالث :
اعرب اللي حدره شخط ؟

راح محمد الله يذريه لم البقالة .

===============
الجواب :

راح : صيغة مبالغة على رأي البصريين . تقول العرب محمد راح وطي مبالغهً في انه ( بلش )

محمد : اخو عزيز وكلاهما عيال سليمان العثمان اللي تسبلة حمد الصالح ^^^^^^^ يعني قبلة (غرب) حمد الصالح

الله : لفظ الجلالة بداية جملة دعاء

يذريه : يَحَفظه ورأى السكاكي انها تأتي بمعنى يهلكه اذا كان اللي قايله غضبان وخالفه في ذلك الفراء وابن مالك .

لم :بمعنى الى في لغة من ينتظر أما لغة من لا ينتظر فهي بمعنى جمع ومسك يقال : لمه لا ينكب اي امسكه .

البقالة : مهوب البقالة اللي جنوب المسجد.. هذيك به هندي اصيفر مهنا اقشر منه .شف اللي نسري عن حوش ابو محمد تراه سنعه بالحيل .

. : قيل انها تدل على نهاية الجملة اذا كانت مع الحروف وقيل انها بمعنى صفر اذا كانت مع الارقام (.)هذي النقطة حقت الحروف



انتهت الاسئلة نتمنى لكم التعاسة والرسوب
-----------------------------------------------
بدون اسم غير متصل   الرد باقتباس


 

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 12:58 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)