[سعفة]

بسم الله الرحمن الرحيم ..

أبسولف عليكم شوي عن حارتنا والهبال برمضان

الافتتاحية .... الشلة كل واحد عليه غرض للمجلس يجونك بعد العصر لمين يذن المغرب وكل واحد معه شي الي معه ساجه والي معه مربوعة والي بيده مسامير وتلقاه شاسف ووصخ كله علشان هالمجلس الي يبون يطقونه علشان يجلسون به بليل ... تلقا بجنب المجلس بمترين المخبأ السري .... المخبأ السري هذا دايم يصير قوطي نيدو كبير ، يصير فاضي ويحطون به اغراضهم من سكر وشاهي وقهوة <==== على بالهم راعين قهاوي .. والله مادلوه هالبزران .. المهم
واحد ينطل من ملحق ابوه شبك الظائرة وواحد عليه الطرنبة ويطقون على أقرب بيت تصير بجنب المجلس يقولون تكفون اشبكوا لنا هاللمبة ... كن بجيحاً تنتعش

بعد التراويح بشوي تلقا كلن مدودل دميجته وحافي وثوب صوف متشقق والشعر واقف تلقا تحت كل شعره جني ماسكه على فوق وتلقا معه بعلبة تمر ماليه من اللقيمات والسمبوسى ورايحن للعيال .......... الطائرة .. حمل وولادة بس أهم شي عندهم القانون الي هو الضحك والوناسة .... لا لعبوا طائرة وملوا وتعشو
وشبوا ضو ببلكاش واكياس اسميت ،، قاموا على الشارع يلعبون سبع الحجر بس اني الصراحة هاليام فاقدن سبع الحجر ما ادري وراه ،، مير ابشركم طافين يجيبون جرة ببسي كبيرة ويحطون مقدار بياله فلاش امريكي ومعي قطيعة قصدير ويصكونه ويرجونه ويحلتونه ... عشر ثواني وهي مسوية انفجار
على فكرة .. إذا تطور المجلس حقهم الي بالحارة .. تلقاهم يجيبون أونو ولا ضومنه هذولا إذا صاروا وخر عنهم بس .. أما الداجين مالهم الا ام ثلاث وام تسع لا وتخب عليهم بعد .....

فترة الظهر ... هالفترة دايم تلقا البزران عند البنشر ... وش يزينون يدورون بواجدي علشان يطرطعون .... هذا البوجي للداجين بس ... لأنه تفك حقه الأبيض الي فوق وتجخرة بمسمار والي تحت تنشب به ريش ... أكيد كلنا نعرف الطريقة
وخذ سبريت من البيت وفتته من داخل البوجي وحط عليه المسمار وارخه واقذفه فووووووووووق ووخر شوي .. تجيك الطرطعانه الي تعجبك ....

والسياكل حدّث ولا حرج .... الريش الي قدام والنسافات يحكن هلا بيك
والشطرطون يدّهر بكل السيكل وينسم الكفرات شوي علشان يرج السيكل .. أذووووووووب صراحتاً مهب معقولة ....


وللحديث بقية .... أنا صراحتاً أدري اني طولت عليكم بس ميخالف يارجال

أهم شي قانون الشباب ... الظحك والوناسة

يالله سلام