[مدحت شوقي بريده]

السلاااااااااام عليكم ..
هلا بالبياااااااااااتي شباب بريدة ..
تدرون يابعد معاليق ركبتي انتم إن الزواااااااااااج استقراااااااار وانتقال من حياااااااااة مملة الى حياة سعيدة ..
فمن وحل العزوبية .. الى عش الزوجية ..

ولكن هناك ثمة ملااااااااااااااااااحظة في بعض الأزوااااااااج ..
ولعلها تتعدى الملاااااااحظة لتصل الى مرحلة الظااااااااهره ..

وهي أن بعض الأزواااااااااااج ثرثاااااااار ومزوح وخفيف ظل لحد الثماله خارج بيته ..
<<(((== الثمااااااله .. هذا واحد يبي يقول الشماله بس التغ ..
ومن عجبه أنك تجده أحياناً يمااااااازح ظلاله من شدة مرحــه ..
ولكن ماإن يدخل بيته إلاويتحول ذلك الممتع الى وحش كاسر جبااااااااااااااااااااااار


ولكنه مع زوجته تجد أن فيوز اللسااااااااان تنفصل أو تحترق فيتوقف اللسان عن الكلاااااااام ..


يعني بعض الزوجات تقول أتمنى انه يتكلم .. وأتمنى انه يسولف معي ..
واذا هاك الساعة كتبه ربي وتكلم .. فإما إنه يهوش أو يطلب شي ..
يعني فقط يصدر آوامر..

وإذا سولف تلقاه يسولف من غير نفس .. وتقعد الزوجة تسحب الكلااااااااااام منه تسحيب ..
يعني تجلس الزوجة تنتظره .. وأول مايدخل مع الباااااااب تقولوه ..
هلا .. ماشاء الله جييت .. عاااااااد يقوله هو ..
لا توي هذاي واقف عند الاشااااارة .. ماتشوفينن قدامتس عساتس العمى ..

ياويلي عاد هي تقوله .. طيب طيب .. بسم الله علينا ..
أندري عنتس تشوفينن قدامتس وتقولين أنت جيت ..
( مأ ادري وراه النفس خضراء )

بعدين تقعد المسكينة تلطف الجو ..
هااااااااه رحت للي عازمك ..
إيــــــــــــــه ..

ماشاء الله وش حط لكم ..
وشلون وش حط .. حط غداء مثل الناااااااس ..

طيب من اللي جاء ..
جاء كوفي عنان وأمي مزنة وسليمان العيدي ..
والله ياعليتس اسئله بعد .. والله يانتي قلق ..
من جاء يعني .. كل واحد معزوم جاء ..

وبعد لحظاااااااااات .. يدق أحد اخوياه بالتليفون ..
وتشوف الضحك والسواليف حتى الجيران يسمعون مزاعقه وضحكه ..
وعااااااااااادي يقعد معه ساعتين .. وهو قبل شوي جاااااااي من عنده ..

وأحياناً الزوجة المسكينة تقول بنفسه ..
يمكن زوجي مايحب يكلم الحريم .. يمكن عنده حساسية من التونه والحريم .. يمتكن ..
بس اشوفوه مع أخواته وأمه يضحك ويسولف عااادي وهن حريم ..
لا لا لا مهيب هذي المشكلة ..

بعدين لو تبي توقفه وحدة بالسوق وتسأله ..
هيه لو سمحت ..
كان خطر عليه يموع أو يتشقق .. ويمكن تشوف اللوز من كبر الضحكه ..
ويطلع الإسلوب بالكلاااام والإصغااااااااااااء ..

أيوه .. اهلين أي خدمة ..

والمسيكينه زوجتوه ياويلي .. تسحبه مع كمه .. وتقبصه مع كتوفوه ..
وابو الشباب مطير عيونوه ويسعبل من زود التركيز ..


ياشباااااااااااااااااااب ..
ياخوااااااااااااااااان ..

اعطوهن حقوقهن .. فالزوجة ليست خااااادمة أو جارية عندك ..
فلقد كانت في بيت والدها معززة مدللة مكرمة ..
وحينما فكرت بالزوااااااااج .. كانت تتمنى الحياة السعيدة ..
كانت تحلم بأن تبني مملكتها وبيتها بلبناااااات من المودة والوئااااااااااااااااااام ..
وكانت تنتظرك كفارس لأحلاامها يحقق طموحها وأمالها وتطلعاتها ..
بل وأن تمنحها ماينقصها .. لا أن تنقصها ماكنت ممنوحة اياه ..

ياشباب ..
المرأة كالأرض الخصبة .. كلما اعطيتها وأكرمتها وبذلت الغالي والنفيس من أجلها ..
حتماً ستجني ثماراً يانعة وظل رفيف ..
وإن اهملتها وتركتها بل واسأت معاملتها .. فإنك ستجد أمامك ماجنته يداك ..


وختاماً اذكركم بقول المصطفى صلوات الله وسلاامه عليه :
( استوصوا بالنساء خير )
وقال صلى الله عليه وسلم ..
( ماأكرمهن الا كريم .. وما أهانهن الا لئيم )


والله أعلم ..