 |
|
|
|
|
20-07-2006, 03:14 AM
|
#1 |
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
التسبيع وما أدراك مالتسبيع..
~~~~السلام عليكم ورحمة الله وبركاته~~~~   وش اخباركم ؟ انشاء الله بخير؟ انا اليوم ما عندي لاشغل ولا مشغله.. يعني ابقعد اقرق عليكم على كيفي  وبقولكم قصة حياتي  يمكن اطول عليكم شوي بس تحملون .. لأني بقولكم مشكلتي أو معاناتي معـ ............................؟ ***************** &&&&&&&&&& ******************* يالله نتوكل على الله ... بسم الله.. يوم كنت صغيره كان عندنا بالبيت شغاله .. تعرفون بزارين وحنَه ورنه ولا ندبر شي ..:D فأشفق الوالد على الوالده وجابله شغاله ..إإإإإإإإإإإإإييييييييـــــــــــــــــــــــه ياملحه ذيك الشغاله وياحبيله  المهم.. يوم كبرت وكبرن خواتي شوي قالت أمي:  خلاااااااااااااااااااااااااااااااااااااااااااااااا ااااااااااااااااص (بطلق الشغالات بالثلاث) اللي عنده بنات وش يبي بالشغالات؟ خلهن يدبرن البيت ويتسنعن  وراااااااااااااااحت الشغاله وكان الوداع الأخير أممممممممممممممم ءااااااااااااااااااااااااااااااااء  >>>>> تراه إقاله نغمه حزينه تهيئ تهيئ تهيئ >>>>>>>>> هنا إقالنا نصيح.. **************** &&&&&&&&& ******************* يــــــــوم صار الأسبوع الأول من روحت الشغاله >>>>>>>>>>>> والله وتجين ذيك القرامه انا وخواتي ( تنظيف وتمسيح وكنس .................... الخ)  يــــــــــــــــــــــوم صار الأسبوع الثاني >>>>>>>>>>>>>>>>>>تقل مليت شوي  يــــــــــــــــــــــوم صار الأسبوع الثالث >>>>>>>>>>>>>>>>>>إلاَ والله مليت  ............. ......... ..... .. تاريراراااااااااااااااااااااااااااااااااا:D وتعلن حملات الصراخ والهواش عن شن حملاتها.........  هذي تعبت .. وهذي ماله خلق .. وهذي حــــــــارنه مهب مسبعه تقول المواعين كثار ************* ********* يوم حست امي اننا ماش مب بالحيل تقل تكاسلنا .. قالت: مانب معطيتكن فرصه علشان ما تملدن علي... وتقسمنا الشغل وكل وحده عليه شغله بالبيت والمواعين كل يوم على وحده ( مره انا ومره اختي) أهم شي التسبيع لأنه هو معاناتي الحقيقيه (  إقاله متأثره ) ملينا منه وهو صدق ممل لأنه كل شوي طالعلك كاس ولاّ ملعقه ولا صحن (ممل )طفشت منه أنظف وأمسح وكل اللي تبون ولا اسبع  >>>>>>>>>> بس عاد غصب علي أزينه..واتشقق من الفرحه وتلقون كشرتي واصله اذاني إلى مننا صرنا بنطلع بذاك اليوم اللي هو علي فيه المواعين ونتهاوش على اليوم اللي بيجوننا فيه ناس معهم شغاله وتلقون المواعين واصله السقف مجمعينه عليه >>>>>>>>>بجيحات ومشفوحات :D ولا مننا جينا نسافر ولا ماعون يوخذ بس اللهم القدر الكاتم ولاّ الصحون والكيسان والملاعق كله بلاستيك وخشتي تكشر عن انيابها:D لا مني بديت اجدع بالزباله ( الله يكركمك ) الصحون والقراشيع .. واموط القدر والأشياء البسيطه واطلع بسرررررعه .. >>>>>>>>>>>>> ههههههههه فرحه صاربي عقده نفسيه صارن القدور والكيسان تقل وحوش يلاحقنن بالحلم  >>>>>>>>>>> هيهيهي تراي ابالغ شوي بس هذا مايسمونه بالتعمق الفكري مدري الروحي والوجداني ...إحم ..... وش اخباركم ؟! عاد تدرون لوما زعل أمي ولا كان أسفطبهن.. ءاااااااااااااااااااااااااااااااااااااااااااااااه وش الحل معه ؟ والله إلى الحين عجزت ءأقلم نفسي عليه .. في بادئ الأمر ( إقاله مثقفه  ) كنت انا واختي كل يوم نسبع جميع وحده بالصابون ووحده بالماء ....وبعد فتره صار كل وحده عليه يوم.. وبما انه هي الكبيره ( عاقله ** يعنني **) عادي عنده .. أما أنا إذا جاء يومي حدث ولا حرج الجيران يدرون إن اليوم علي التسبيع ( صحون وكيسان تتكسروتصبيخ بالقدور) إيــــــــــــــــــــــــــــــــه ياذيك الأيام >>>>>>>>>> (إقاله مبطي تراه العام خخخخخخخخخخخخ) وبعد كم شهر خلينا أختي الأصغر تدخل معنا بجدول التسبيع وصار له يوم .. انا استانست لأنه صار عندي عطله يومين عن هالقرف .. مع إن البيت يبدى ينادين ولكن :o اهون من المطبخ .. ومن دخلت اختي معنا وانا طلعلي ضرس العقل >>>> يعني عقلت وجا دوره هي وصارو الجيران يقولون ( الله يحلل هوجــــــــــــــــــــااس عند اخته ) عاد تراي عقلت لا تحسبونن زي اول لأني صرت أشوف أختي وش تسوي واستحقره واقوله ما يسوى هالهواش على تسبيع >>>>>>>>> نست وش كانت تسوي ..للحين انا ما أوطنه بس تقل إستسلمت أو رضخت للأمر الواقع .... أول كنت احسب بس حنّــا اللي عندنا هالصجه واللجه على المواعين ... ويوم تبقشت الأمور ولاّ تحت السواهي دواهي واثر خوالي لا راحت شغالتهم نفس الحاله بس عاد يقعدون فتره ويجيبون غيره إقالهم ما يتحملون هالهواش مدري مدلعين بناتهم ( ياعمر يا حنّــا )إيـــــــــــه على قولت ابوي لا مننا قلنا نبي شغاله قال : مانب جايب شغاله إلا إذا سكنا ببيت نروح للمطبخ بسياره ونرقى لغرفنا بتلفريك :D :D ولا اذا ما صار بالبيت إلاّ انا وامكن.... عاد تبون الصراحه ؟؟!! من تالي مالي خلق الشغالات ولا لي خلق ريحتهن .. ولا ارتاح نفسيا لا منهن قعدن عندنا لأنه أحيانا اقاربنا لامنهم بغوا يسافرون حطو عندنا شغالتهم .. ماش ما أستسيغهن مدري ليش ؟؟ بس هو شي بالنفس إننا نبيهن علشان الشغل .. وأخيراً .. هذي معاناتي معـ التسبيع وما أدراك مالتسبيع.. إعذروني على الإطاله بصراحه انا بغيت انزله كروايه ( انافس فيها اخوي الغشيم خخخخخ) بس قلت اخاف الصفحات تصير كثار وأمل وانا اكتب وانتم تملون ............ وسلاااااااااااااااامتكم ..... واستروا ما واجهتو ..وترا نص القرق خريط وهليش اختكم : *** هوجــــــــــــــــــ ـــــــــــــــــــــــااس *** |
|
|
| الإشارات المرجعية |
|
|
النمط الأحادي