[مهبول نت]

أولا" تعريف العربجي :

العربجي: مخلوق بريء :o ...فاهم الدنيا غلط.. لا يعرف من الدنيا سوى العربجه ..وتفكيره ينصب وشلون يونس نفسه وكيف يصير مشهور ويشار له بالبنان :D


مرحلة ما قبل الولادة:

عزيزتي الأم اذا حسيتي وانتي حامل انك ودك تصقعين لك سيجارة

أو تحسين إنك تستانسين كل ماركبتي الدداسن أوالوانيتات ...... تراها بشرى خير :D


وترى المولود (زاحف على بطنه) يعني بيطلع عربجي :D


وبتكونين أم لأحد أهم العناصر المكونه للمجتمع

=============================

مرحلة ماقبل الدراسة:

منذ نعومة حوافره.. أقصد أظافره وبعكس البزران كلهم ..تلقينه ما يحب الرسوم المتحركه

ويموت مع افلام الرعب والمظاربات

ومايجيه نوم حتى يشوف المصارعه الحره ..

============================

مرحلة الدراسة:

في الابتدائي.... تلقينه يمشي مع أكبر منه ، ودايم يظرب الورعان اللي اصغر منه ..

وتلقينه ياخذ فطور بعظ الطلاب ، ويصرف فلوسه على السجاير ..



واذا وصل المتوسط تلقينه في آخر الفصل تحت المكيف,,وموجهه عليه بكرتون

واكره ماده عنده الانقلينزي على قوله



واحسن مادة عنده الفنية < حيث انهم موهوبين بالرسم ( على الجدران ) وخاصة جدران مدارس البنات ..

ومن مواصفات العربجي أنه لايمكن يلبس تكميلة في حصة الرياظة...وفي نفس الوقت يحب جدا هذه الحصة ؟ :D


وفي الثانوي ((من النادر جدا وصوله لهذه المرحله)) لا يمكن تلقاه يتفسح مع الطلاب

وتلقاه على طول نايم بالفصل طبعاً كان سهران طول الليل في المذاكرة ههههههههه ..
ويطير النوم اول مايدق جرس الفسحة يبدأ الدوران مع الشلة داخل الفصول حرصا على تفقد احوال الرعية كككككككككككككككك

وتتكون ملابس العربجي وكشخته ...من شماغ على الكتف بدون طاقية أو طاقية راميها ورا دماغه ..

ويكون دايماً رافع طرف ثوبه بيده تعبيراً عن السيطرة على الوظع ... وإنه مهجد العالم

ولابد يكون السروال عريظ حتى يرفرف أثناء المشي < و حبذا الاصفر لأنه يدل على الخبره في العربجه

ولا يتنازل العربجي في أي حال من الاحوال عن لبس الشباشب أو الحذيان القديمة ( تكرموون ) ، ويعتبر لبس الجزمات نوع من ظعف الشخصية ويدل على إنه ترك المظاربات ..




وللعربجي هوايه جيده وهي الجلوس قدّام البقالات والسجارة بيد والبيبسي باليد الثانيه
وإذا مرت عليه ددسن ودقت بوري يرفع يده اللي فيها السجارة ..


العربجي يموت بشي إسمه تفحيط
وأهم شي عنده في السياره هي النسافات ، وياهناته إذا مرت كامري إذا شافها يصير كأنه هندي شايف له بقره

وسوالفه كلّها عن المظاربات وعن المشاكل في الحارة ..

ويموووت إذا أحد قاله ( يا زاحف ) يعتقد انها رمز الرجولة :D ..


الآن وبعد هذا العرظ عن صفات العربجية ، فإنني ومن باب الحرص على مصلحتهم أطلب من كل أب وأم أن يتركوهم وشأنهم ، وأن يحاولوا أن ينمو فيهم روح العربجة
ملطوش