[ahm1]

مساء الخير .... تحياتي للجميع
بصراحه ما أدري من وين ابتدي ،، لكن بقول وارجو ان تغضوا الطرف عن ركاكة الاسلوب والاخطاء الاملائية والتركيز على المضمون مع جزيل الشكر
خرجت من العمل قبل عدة أيام وفي هذا الجو الحار جداً جداً ( يعني صلخ )
وأقول في نفسي إذا وصلت البيت القى الغرفه بارده احط راسي وانام
ما اطول عليكم دخلت البيت ولا هدووووووء ؟؟!! وش السالفه ؟؟ صار الكهرب طافي من الساعه 9.30 صباحاً ( جن جنوني بصراحه ) طبعا وانا جاي لاحضت ان عمال مقاول الشركة كانو يحاولون إصال التيار لعمارة مجاوره ( حلوه التيار)
( تخيلوا من الساعه 9.30 حتى ساعة وصولي والكهرب خامد .. على طول امسك التلفون واتصل بطواري الشركه ( مصدق ) :o المهم رد علي الموظف قلت وش السالفه ؟؟ قال : لحظه احولك ... وانتظر وانتظر واخر شي انقطع الخط !! عادي لاتستغربون ( استهتار بالمستهلك ) واتصل مرة ثانيه يرد الموظف قلت ليش انقطع الخط ؟؟ قال لحظه احولك ويحولني على واحد قلت : ليش مقفلين الكهرب من الصباح صرنا بيض مقلي بين هالجدران والثلاجات بدت تخرخر وووووو الخ
قال ما ادري عن فرقة الطواري اللي برا لكن خل اكلمهم ، وخربط علي كلام ماله طعم ، اللي فهمته انهم ما يفهمون ولا فيه عمل منظم .
وتدرون متى رجع التيار ( حلوه التيار ) تقريبا الساعة 3.30 أو اكثر لكن ليس قبل .
وش رايكم ؟؟؟!!! اترك التعليق لكم أيه الاخوه الكرام
ولكم مني جزيل الشكر ........ اخوكم شكمانين