 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
16-06-2002, 06:24 PM
|
#11 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
بسم الله
أبوربع طلباتك من عيوني يا بعد عيوني واذاني اولا انتم يالرياض متعودين على المشاوير هذي شيء والمشكلة أن أغلب حقين الرياض وهم بالرياض مايمشون الا على اللوحات وأنت طبيت عنيزة ... يعني أكيد قريت لوحة زرقاء فوقك مكتوب عنيزة يعني وش موديك لعنيزة ثاني شيء لاطلعت من تشليح العجلان أو غيره كلش شيء به لوحات ابوربع تقول شارع الخبوب أو شارع الخبيب طيب وش رايك وانت بالرياض اقول لك صور لي شارع العلياء أو الظاهر اسمه شارع البطحاء وش رايك به فرق ولا لا يا بعدي ،،،، لاحظ ياطويل العمر شارع الخبيب مثل شارع البطحاء عندكم بالضبط ،، أما شارع الخبوب فمستحيل دولة بالعالم تحصل ذاك الشارع ،، وأقوله بدون مجاملة للخبوب لأن الخبوب هم أحسن ديار العالم ،، ومردكم يالبريطانيين تبي تجون تسكنون بالقصيعة وخب روضان والمريدسية والبصر وبقية الخبوب ،،، بس معصي يأجرونكم ... ابوربع يا بعد سلوتي ،،، الصور عطن مهلة يومين ... وعندك كل شيء حبيب ألبي ابوربع ,,,,,, طبيعي أي واحد من بريدة يقرأ كتابتك ،، طبيعي يبي يضحك لأنك توجهت لعنيزة طيب أنا حصلت معي نفس الفكرة بالرياض معي كرولا شينه ودايس أبي أمسك طريق بريدة وانا لحالي ،، وانا دايس ،، على ان الطريق هذا هو طريق بريدة ،، ،ما دريت الا جتن لوحة تقولي الدمام ؟؟ كيلو قلت ياولد الطريق غلط ... ولا لقيت أقرب مخرج الا بعد تقريباً 30 كيلو من يوم انقطع النور ,,,,,,, والقا شبك مقطوع واديور من عنده ،، وارجع والحمد لله
__________________
 آخر من قام بالتعديل سعفة; بتاريخ 16-06-2002 الساعة 06:27 PM. |
|
| الإشارات المرجعية |
|
|
النمط الأحادي